Tech News/ એલોન મસ્કે લોસ એન્જલસમાં TESLA Diner ખોલ્યું, જ્યાં રોબોટ પીરસશે ડિનર
છેલ્લું અપડેટ : 29 Jul 2025
એલોન મસ્ક એ તેમના AI ક્ષેત્રમાં નવા નવા ઇનોવેશન કરવા માટે જાણીતા છે. હાલમાં જ તેમણે અમેરિકાના લોસ એન્જલસમાં TESLA Dinerનું ઓપનિંગ કર્યું છે. ગયા અઠવાડિયે ખુલેલા આ TESLA Dinerની હજારો લોકોએ મુલાકાત પણ લઈ લીધી છે. આ TESLA Dinerની થીમ હંમેશાની જેમ મસ્કની ફેવરિટ રોબોટિક છે. જેમાં રોબોટ જ જમવાનું પીરસે છે. અને લોકો તેનો ભરપૂર આનંદ માણે છે.
જાણો TESLA Dinerની ખાસ વાતો
TESLA Dinerની મુલાકાત લેતા લોકોને આ નવા "રેટ્રો-ફ્યુચરિસ્ટિક" રેસ્ટોરન્ટનો અનુભવ કરાવે છે. અને આ રેસ્ટોરન્ટ TESLA EV માટે ચાર્જિંગ સ્ટેશન તરીકે પણ કામ કરે છે, અને તેના પાર્કિંગટમાં 80 સુપરચાર્જર્સ ઉપલબ્ધ છે. આ રેસ્ટોરન્ટની છત પર પોપકોર્ન પીરસતો માનવીય રોબોટ પણ જોવા મળે છે સાથે સાથે સાયબરટ્રક-થીમ આધારિત ફૂડ કન્ટેનર, ડ્રાઇવ-ઇન મૂવી થિયેટર અને દરેક જગ્યાએ ટેસ્લા ટેકનોલોજી જોવા મળે છે. જે મુલાકાતીઓને ખૂબ રોમાંચનો અનુભવ કરાવે છે, અને વધુ લોકોને આકર્શિત કરે છે.
2018થી જ શરુ કરી દીધો હતો પ્લાન
TESLAના માલિક એલોન મસ્કે જણાવ્યું હતું કે, તેઓ આ TESLA Dinerનો પ્લાન વર્ષ 2018થી કરી રહ્યા હતા. TESLA Diner અને ડ્રાઇવ-ઇન 1950ના દાયકાના American Dinerના ભૂતકાળની યાદો ધરાવતા આકર્ષણને આધુનિક TESLA નવીનતા સાથે ભેગા કરે છે. સાન્ટા મોનિકા બુલવર્ડ પર સ્થિત, TESLA Diner 24 કલાક અને અઠવાડિયાના 7 દિવસ ખુલ્લું રહે છે, અને 250 જેટલા મહેમાનો માટે ઇન્ડોર અને આઉટડોર બંને પ્રકારની બેઠક વ્યવસ્થા ધરાવે છે.
આ મસ્કનો ભવિષ્યવાદી પ્રોજેક્ટ્સ છે
આ કોઈ સામાન્ય રેસ્ટોરન્ટ જ નહી પરંતુ "રેટ્રો-ફ્યુચરિસ્ટિક"ની ફીલ કરાવતું અને મોટી સ્ક્રીન પર ફિલ્મ સાથે જમવાની મોજ માણી શકાય તેવું રેસ્ટોરન્ટ છે. એટલું જ નહિ, આ ડિનર મસ્કના ભવિષ્યવાદી પ્રોજેક્ટ્સમાંનો એક છે. જોકે તે મંગળ પર માનવોને મૂકવા જેટલો મહત્વાકાંક્ષી નથી. તેમ છતાં, તે સ્પષ્ટ છે કે LA ડિનર TESLA માટે એક ચતુરાઈભરી માર્કેટિંગ ટ્રાયલ તરીકે બનાવાયેલ છે.
ડિનરમાં ભોજનનો આનંદ માણવા માટે તમારે ટેસ્લા EV રાખવાની જરૂર નથી, જે બ્રાન્ડની આકર્ષણને ફક્ત ટેસ્લાના ઉત્સાહીઓથી આગળ વધારવામાં મદદ કરે છે. ડિનર તરફ આકર્ષાયેલા ઘણા ગ્રાહકો પુખ્ત વયના લોકો અને બાળકોના માતાપિતા છે.
કેવો અનુભવ કરાવે છે આ TESLA Diner?
મહેમાનો TESLA Dinerમાં પ્રવેશતા જ, રોલર સ્કેટ પર સવારી કરતા લોકો દ્વારા તેમનું સ્વાગત કરવામાં આવે છે, જેઓ આઈસ્ક્રીમના સ્કૂપ ઓફર કરે છે. ડ્રાઇવ-ઇન પ્રોજેક્ટરમાં 1960ના દાયકાના એનિમેટેડ sitcom: The Jetsons વગાડવામાં આવે છે, જે ભવિષ્યનું વિઝન રજૂ કરે છે, જેમાં ઉડતી કાર અને રોબોટિક હાઉસકીપરનો સમાવેશ થાય છે. મહેમાનો કાઉન્ટર પરથી વસ્તુઓનો ઓર્ડર આપી શકે છે.
શેફ એરિક ગ્રીનસ્પેન દ્વારા બનાવવામાં આવેલા Menuમાં ફ્રાઇડ ચિકન અને વેફલ્સ, ગ્રીલ્ડ ચીઝ જેવા ક્લાસિક ડિનર, 'ટેસ્લા બર્ગર' અને 'ઇલેક્ટ્રિક સોસ' જેવી ખાસ થીમ આધારિત વસ્તુઓનો સમાવેશ થાય છે. આ ડિનરમાં ખાવાની વસ્તુઓની કિંમતો ન તો ખૂબ ઊંચી કે ન તો ખૂબ ઓછી, પરંતુ લાક્ષણિક LA ધોરણોને પ્રતિબિંબિત કરતી રાખવામાં આવી છે.
TESLA Dinerના થયા વખાણ
TESLAનું બ્રાન્ડિંગ સમગ્ર Dinerમાં દેખાય છે, જે સજાવટ અને અંદરના વાતાવરણ બંનેમાં દેખાય છે. રેસ્ટોરન્ટમાં 360 ડિગ્રી છત છે, જ્યાં રોબોટ્સ દર્શાવતા ડિસ્પ્લેથી સજ્જ સફેદ વળાંકવાળા સીડી દ્વારા પહોંચી શકાય છે. છત આરામદાયક બેઠક અને મૂવી સ્ક્રીનના ઉત્તમ દૃશ્યો ધરાવે છે. બારમાં એક ડાઇનર શોપ છે, જ્યાં મહેમાનો $40ના ટેસ્લા ડાઇનર ટી-શર્ટ અને $175ના ઉડતા સાયબરટ્રક મોડેલ ખરીદી શકે છે. નજીકમાં, એક પોપકોર્ન સ્ટેન્ડ છે જે ટેસ્લાના હ્યુમનૉઇડ રોબોટ ઓપ્ટિમસ દ્વારા સંચાલિત છે.
લોસ એન્જલસમાં Diner ખુલતાની સાથે જ, આ સ્થળના વીડિયો X, YouTube અને Reddit પર વાયરલ થઈ ગયા. જોકે એલોન મસ્ક એક વિવાદાસ્પદ વ્યક્તિ છે અને દરેક જણ તેમની વાત સાથે સહમત નથી, તેમ છતાં ટેસ્લાના કટ્ટર ચાહકો અને સામાન્ય લોકોના હૃદયમાં આવેલા હોલીવુડના પ્રેમ તેમને રેટ્રો-ફ્યુચરિસ્ટિક Diner તરફ જવાથી રોકી શક્યા નહીં.
