સરકારે WhatsApp ના જે Username ફીચર પર રોક લગાવી છે તેને આ રીતે કરો Delete, ખૂબ જ સરળ છે રીત
છેલ્લું અપડેટ : 03 Jul 2026
મેટા-માલિકીના WhatsApp એ એન્ડ્રોઇડ અને આઈફોન યુઝર્સ માટે એક નવું ફીચર, યુઝરનેમ, રજૂ કર્યું છે. યુઝર્સ હવે તેમના વોટ્સએપ એકાઉન્ટ માટે યુઝરનેમ બનાવી અથવા રિઝર્વ કરી શકે છે. આ ફીચરનો હેતુ યુઝરની પ્રાઈવેસી વધારવાનો છે. આ ફીચર યુઝર્સને તેમનો ફોન નંબર શેર કર્યા વિના અન્ય લોકો સાથે ચેટ કરવાની મંજૂરી આપે છે. આ ફીચર આ વર્ષના અંત સુધીમાં સંપૂર્ણપણે લાઈવ થશે, ત્યારે યુઝર્સ પહેલાથી જ તેમના મનપસંદ યુઝરનેમ રિઝર્વ કરી શકે છે. યુઝરનેમ પસંદ કર્યા પછી, જો તમને તે ગમતું ન હોય તો તમે તેને બદલી શકો છો. અથવા જો તમને તમારા એકાઉન્ટ માટે યુઝરનેમ ન જોઈતું હોય, તો તમે તેને ડિલીટ કરી શકો છો.
ફીચરના ફાયદા
તમારા કોન્ટેક્ટ પહેલાથી જ રહેલા લોકો હજુ પણ તમારો ફોન નંબર જોઈ શકશે. આ ફીચરનો હેતુ તમને તમારો નંબર શેર કર્યા વિના નવા લોકો સાથે ચેટ કરવાની મંજૂરી આપવાનો છે.
આ પ્રક્રિયા વોટ્સએપ ડેસ્કટોપ અથવા વેબ પર ઉપલબ્ધ નથી. જોકે, મેટા યુઝર્સને બીજી સરળ રીત આપી રહ્યું છે. તમે વોટ્સએપ માટે તમારા ઇન્સ્ટાગ્રામ અને ફેસબુક યુઝરનેમ પણ પસંદ કરી શકો છો.
ફીચર પર પ્રતિબંધ લાગી શકે છે
રિપોર્ટ્સ અનુસાર, મોદી સરકાર આ ફીચરની તપાસ કરશે. એક અહેવાલ મુજબ સરકાર આ ફીચર પર પ્રતિબંધ મૂકી શકે છે. કાનૂની વિકલ્પો પર વિચારણા કરવામાં આવી રહી છે. સોશિયલ મીડિયા પર એવા અહેવાલો છે કે લોકોએ પીએમ નરેન્દ્ર મોદી અને વોટ્સએપ સહિત અન્ય લોકોના નામે યુઝરનેમ બુક કરાવ્યા છે. જો આ ફીચરનો દુરુપયોગ થાય છે, તો તે છેતરપિંડી તરફ દોરી શકે છે. તેથી, ભારતમાં આ ફીચરનું આગમન એટલું સરળ નહીં હોય.
કેવી રીતે ડિલીટ કરવું?
- યુઝરનેમ ડિલીટ કરવા અથવા પસંદ કરવા માટે, વોટ્સએપ ખોલો અને જમણી બાજુએ પ્રોફાઈલ પર ક્લિક કરો.
- પછી તમને સ્ક્રીનની ટોપ પર યુઝરનેમ દેખાશે. તેના પર ક્લિક કરો.
- ઘણા વિકલ્પો દેખાશે. યુઝરનેમ પર ક્લિક કરો.
- પછી ઉપર જમણી બાજુએ એડિટ આઈકોન પર ક્લિક કરો.
- હવે તમને તમારું યુઝરનેમ ડિલીટ કરવા અથવા બદલવાનો વિકલ્પ મળશે.
- આ રીતે, તમે તમારું યુઝરનેમ ડિલીટ અથવા બદલી શકો છો.
