Tech News / દુનિયાભરના લોકોમાં વધી રહ્યો છે ChatGPTનો ક્રેઝ, દરરોજ પૂછવામાં આવી રહ્યા છે 250 કરોડ પ્રશ્નો

OpenAIનું ChatGPT હવે દુનિયામાં સૌથી વધુ ઉપયોગમાં લેવાતા AI ટૂલ્સમાંનું એક બની ગયું છે. એક રિપોર્ટ મુજબ, હવે ChatGPT પર દરરોજ 250 કરોડથી વધુ પ્રશ્નો (પ્રોમ્પ્ટ) મોકલવામાં આવી રહ્યા છે. આમાંથી 330 મિલિયન (33 કરોડ) પ્રશ્નો ફક્ત અમેરિકાથી આવે છે. અહીં જાણો કે ChatGPT લોકોમાં કેવી રીતે લોકપ્રિય થઈ રહ્યું છે.

આ પણ વાંચો :

Tech News : Samsung એ પોસાય તેવા ભાવે લોન્ચ કર્યો 5G ફોન,  5000mAh બેટરી સહિત મળશે એકથી એક ચડિયાતા ફીચર્સ 

મસ્કની Starlinkની ટૂંક સમયમાં ભારતમાં થશે એન્ટ્રી, 10 ગણી વધી જશે ઈન્ટરનેટ સ્પીડ

ChatGPTનો ગ્રોથ

આ પણ વાંચો :

UIDAI એ કરી મોટી તૈયારીઓ, હવે નકલી આધાર બનાવનારાઓની ખેર નહીં

શું છે નવું ChatGPT એજન્ટ? જે કમ્પ્યુટરને પણ કરી શકશે કન્ટ્રોલ, જાણો અન્ય મોડલથી આ કેમ અલગ

રિપોર્ટ મુજબ, ChatGPT દરરોજ કરોડો પ્રશ્નોના જવાબ આપી રહ્યું છે. OpenAIના CEO સેમ ઓલ્ટમેને ડિસેમ્બરમાં એક સમિટમાં જણાવ્યું હતું કે ChatGPT દરરોજ 1 અબજ પ્રોમ્પ્ટ હેન્ડલ કરી રહ્યું છે. તે સમયે પણ આ સંખ્યા આશ્ચર્યજનક હતી, પરંતુ હવે તે બે ગણી વધી ગઈ છે.

સેમ ઓલ્ટમેને ખુલાસો કર્યો કે વિશ્વભરમાં લગભગ 10 ટકા લોકો ChatGPTનો ઉપયોગ કરી રહ્યા છે. ડિસેમ્બરમાં, ChatGPTના 300 મિલિયન (30 કરોડ) સાપ્તાહિક યુઝર્સ હતા. માર્ચ સુધીમાં, આ સંખ્યા વધીને 500 મિલિયન (50 કરોડ) સાપ્તાહિક યુઝર્સ થઈ ગયા. મે મહિનામાં, એવું બહાર આવ્યું કે છેલ્લા એક વર્ષમાં દૈનિક સક્રિય યુઝર્સની સંખ્યામાં ચાર ગણો વધારો થયો છે.

ફ્રી વર્ઝન સૌથી વધુ લોકપ્રિય બન્યું

ChatGPTનું પેઈડ વર્ઝન પ્લસ પણ ઉપલબ્ધ હોવા છતાં, મોટાભાગના લોકો હજુ પણ ફ્રી વર્ઝનનો ઉપયોગ કરી રહ્યા છે. આનું કારણ તેનું યુઝર ફ્રેન્ડલી ઇન્ટરફેસ અને ઘણા અન્ય ફીચર્સ હોઈ શકે છે. ઘણા લોકો ChatGPTની મદદથી અભ્યાસથી લઈને ઓફિસના કામ સુધી બધું કરી રહ્યા છે.

Google Chromeને કેવી રીતે ટક્કર આપશે?

OpenAI પોતાને ફક્ત પ્રશ્નો અને જવાબો સુધી મર્યાદિત નથી રાખવા માંગતું. તાજેતરના રિપોર્ટ મુજબ, OpenAI હવે એક AI-સંચાલિત વેબ બ્રાઉઝર લાવવાની તૈયારી કરી રહ્યું છે જે સીધું Google Chromeને ટક્કર આપશે.

આ ઉપરાંત, OpenAIએ તાજેતરમાં ChatGPT Agent નામનું એક નવું ટૂલ લોન્ચ કર્યું છે. તે યુઝર્સના કમ્પ્યુટર પર આપમેળે કાર્ય પૂર્ણ કરી શકે છે. આ ટૂલ સંપૂર્ણપણે ઓટોનોમસ છે. આનો અર્થ એ છે કે યુઝર્સને દર વખતે આદેશો આપવાની જરૂર નહીં રહે.