BSNLનો સૌથી સસ્તો રિચાર્જ પ્લાન, Airtel-Jio ભરશે પાણી 

BSNL તેના 4G નેટવર્કને સતત વિસ્તારી રહ્યું છે. સરકારી ટેલિકોમ કંપની તેના નેટવર્ક વિસ્તરણ અને સસ્તા પ્લાનને કારણે ખાનગી ટેલિકોમ કંપનીઓ એરટેલ અને જિયોને સખત ટક્કર આપી રહ્યું છે. BSNLએ તાજેતરમાં દેશભરમાં 50 હજારથી વધુ 4G મોબાઈલ ટાવર લગાવ્યા છે. કેન્દ્રીય સંચાર મંત્રી જ્યોતિરાદિત્ય સિંધિયાએ ઘણી વખત કહ્યું છે કે આવતા વર્ષે જૂન સુધીમાં BSNL સમગ્ર દેશમાં એક લાખ 4G/5G મોબાઈલ ટાવર લગાવશે. આવી સ્થિતિમાં યુઝર્સને આવનારા થોડા મહિનામાં જબરદસ્ત કનેક્ટિવિટી મળવાની છે.

આ પણ વાંચો: Jio, Airtel, Vodafoneના સસ્તા પ્લાન! અનલિમિટેડ કોલ સહિત મળશે આ લાભ

84 દિવસનો રિચાર્જ પ્લાન

BSNLએ તાજેતરમાં જ એક એવો સસ્તો પ્રિપેડ પ્લાન લૉન્ચ કર્યો છે, જેમાં યુઝર્સને 84 દિવસની વેલિડિટી આપવામાં આવે છે. BSNLના આ પ્લાન માટે તમારે 599 રૂપિયા ખર્ચવા પડશે. આ પ્રિપેડ પ્લાનમાં ઉપલબ્ધ લાભો વિશે વાત કરીએ તો વપરાશકર્તાઓને 84 દિવસ માટે કોઈપણ નેટવર્ક પર અમર્યાદિત ફ્રી કૉલિંગનો લાભ મળશે. આ ઉપરાંત દિલ્હી અને મુંબઈ સહિત સમગ્ર દેશમાં ફ્રી નેશનલ રોમિંગનો લાભ પણ આપવામાં આવી રહ્યો છે.

આ પ્રિપેડ પ્લાનમાં યુઝર્સને દરરોજ 3GB હાઈ સ્પીડ ઈન્ટરનેટ ડેટા અને 100 ફ્રી SMS ઓફર કરવામાં આવી રહ્યા છે. આ રીતે યુઝર્સને કુલ 252GB હાઈ સ્પીડ ઈન્ટરનેટનો લાભ મળશે. કંપની આ પ્રિપેડ પ્લાન સાથે ઘણી વેલ્યુ એડેડ સર્વિસ પણ ઓફર કરી રહી છે. BSNL યુઝર્સ સેલ્ફ કેર એપ દ્વારા તેમનો નંબર રિચાર્જ કરી શકે છે.

વિન્ટર બોનાન્ઝા ઓફર

BSNLએ તાજેતરમાં વિન્ટર બોનાન્ઝા ઓફરની જાહેરાત કરી છે. કંપનીએ આ ઓફર તેના ભારત ફાઈબર બ્રોડબેન્ડ યુઝર્સ માટે લોન્ચ કરી છે. આમાં યુઝર્સને 1,999 રૂપિયામાં 6 મહિના માટે અનલિમિટેડ ફ્રી ઈન્ટરનેટ ડેટા ઓફર કરવામાં આવી રહ્યો છે. આ પ્લાનમાં FUP એટલે કે ફેર યુઝેજ પોલિસી હેઠળ ભારત ફાઈબર બ્રોડબેન્ડ યુઝર્સને દર મહિને 1,300GB હાઈ સ્પીડ ડેટા ઓફર કરવામાં આવી રહ્યો છે. આ પછી યુઝર્સને 4Mbpsની સ્પીડ પર અનલિમિટેડ ઈન્ટરનેટ ડેટા મળશે.