રણજી ટ્રોફીમાં એક મેચ રમવા માટે વિરાટ કોહલીને મળશે આટલા રૂપિયા
વિરાટ કોહલીએ 12 વર્ષ પછી રણજી ટ્રોફીમાં ભાગ લીધો. જોકે, તે ખાસ પ્રદર્શન ન કરી શક્યો.
દિલ્હી અને રેલ્વે વચ્ચે રમાયેલી મેચમાં વિરાટને એકવાર બેટિંગ કરવાની તક મળી હતી. પરંતુ આ દરમિયાન તે 6 રન બનાવીને આઉટ થઈ ગયો.
કરોડો કમાતા વિરાટ કોહલીને રણજીમાં રમવા બદલ મેચ ફી પણ આપવામાં આવશે. જે ઈન્ટરનેશનલ મેચોની સરખામણીમાં ઘણી ઓછી છે.
BCCIના નિયમો અનુસાર, રણજી ટ્રોફીમાં ભાગ લેનારા ખેલાડીઓને વિવિધ કેટેગરીમાં મેચ ફી આપવામાં આવે છે.
રણજી ટ્રોફીમાં 40 કે તેથી વધુ મેચનો અનુભવ ધરાવતા ખેલાડીઓને રોજના 60 હજાર રૂપિયા, 21થી 40 મેચનો અનુભવ ધરાવતા ખેલાડીઓને 50 હજાર રૂપિયા અને 20થી ઓછા મેચનો અનુભવ ધરાવતા ખેલાડીઓને 40 હજાર રૂપિયા મળે છે.
આ રણજીમાં વિરાટ કોહલીની 24મી મેચ હતી. આવી સ્થિતિમાં, તેને મેચ ફી તરીકે રોજના 50,000 રૂપિયા આપવામાં આવશે.
દિલ્હી અને રેલ્વે વચ્ચેની આ મેચ 3 દિવસ સુધી ચાલી હતી, એટલે કે વિરાટને આ મેચ માટે કુલ 1 લાખ 50 હજાર રૂપિયા મળશે.