IPL 2025માં સૌથી વધુ ફિફ્ટી ફટકારનાર ટોપ-5 બેટ્સમેનો, અહીં પણ વિરાટ જ છે 'કિંગ'
IPL 2025ની અત્યાર સુધી 46 મેચ રમાઈ ચૂકી છે. આજે રાજસ્થાન રોયલ્સ અને ગુજરાત ટાઈટન્સ વચ્ચે મેચ છે. અત્યાર સુધીમાં 23 બેટ્સમેનોએ 2 કે તેથી વધુ ફિફ્ટી ફટકારી છે.
વિરાટ કોહલી આ વર્ષે પણ શાનદાર ફોર્મમાં છે. IPL 2025માં અત્યાર સુધી સૌથી વધુ ફિફ્ટી ફટકારનાર બેટ્સમેનોની યાદીમાં વિરાટ કોહલી ટોપ પર છે. ચાલો જોઈએ આ સિઝનમાં સૌથી વધુ ફિફ્ટી ફટકારનારા ટોપ-5 બેટ્સમેનો વિશે.
IPL 2025માં અત્યાર સુધી સૌથી વધુ ફિફ્ટી ફટકારનાર બેટ્સમેનોની યાદીમાં RCBનો વિરાટ કોહલી ટોપ પર છે. તેણે રવિવારે દિલ્હી કેપિટલ્સ સામે ફિફ્ટી ફટકારી હતી, જે આ સિઝનમાં તેની છઠ્ઠી ફિફ્ટી છે.
વિરાટે અત્યાર સુધી 10 મેચમાં 443 રન બનાવ્યા છે અને સૌથી વધુ રન બનાવનારા બેટ્સમેનોમાં પણ ટોપ પર છે, એટલે કે તે ઓરેન્જ કેપની રેસમાં સૌથી આગળ છે.
ગુજરાત ટાઈટન્સનો સાઈ સુદર્શન IPL 2025માં સૌથી વધુ ફિફ્ટી ફટકારનાર બેટ્સમેનોની યાદીમાં બીજા નંબર પર છે. તેણે અત્યાર સુધીમાં 8 મેચમાં 5 ફિફ્ટી સહિત 417 રન બનાવ્યા છે.
આ યાદીમાં લખનૌ સુપર જાયન્ટ્સનો મિચેલ માર્શ ત્રીજા નંબર પર છે. તેણે અત્યાર સુધીમાં 4 ફિફ્ટી ફટકારી છે. માર્શે 9 મેચ રમી છે અને અત્યાર સુધીમાં 378 રન બનાવ્યા છે.
આ યાદીમાં રાજસ્થાન રોયલ્સનો યશસ્વી જયસ્વાલ ચોથા નંબર પર છે. તેણે પણ 9 મેચમાં 4 ફિફ્ટી ફટકારી છે. તેણે અત્યાર સુધીમાં 356 રન બનાવ્યા છે.
IPL 2025માં સૌથી વધુ ફિફ્ટી ફટકારવાના મામલે લખનૌ સુપર જાયન્ટ્સનો નિકોલસ પૂરન પાંચમાં નંબર પર છે. તેણે અત્યાર સુધીમાં 10 મેચમાં 4 ફિફ્ટીની સાથે 404 રન બનાવ્યા છે.
લખનૌ સુપર જાયન્ટ્સના એડન માર્કરમે પણ 4 ફિફ્ટી ફટકારી છે પરંતુ મેચની સંખ્યા અને અત્યાર સુધી બનાવેલા રનના આધારે તે છઠ્ઠા નંબર પર છે. તેણે 10 મેચમાં 335 રન બનાવ્યા છે.