39 વર્ષીય રોનાલ્ડોએ આંતરરાષ્ટ્રીય ફૂટબોલમાં 131 ગોલ કર્યા છે. આ સિવાય રિયલ મેડ્રિડ માટે 450 ગોલ, માન્ચેસ્ટર યુનાઈટેડ માટે 145, જુવેન્ટસ માટે 101, તેની વર્તમાન ક્લબ અલ નાસર માટે 68 ગોલ અને સ્પોર્ટિંગ લિસ્બન માટે પાંચ ગોલ કર્યા છે.
ક્રોએશિયા સામે રમાયેલી નેશન્સ લીગ મેચમાં રોનાલ્ડોએ તેની કારકિર્દીનો 900મો ગોલ કર્યો હતો. તેણે આ ઐતિહાસિક ગોલ 34મી મિનિટે નુનો મેન્ડેસના ક્રોસ પર કર્યો હતો.
રોનાલ્ડોએ અત્યાર સુધી તેની કારકિર્દીમાં ડાબા પગથી 173, જમણા પગથી 573, તેના માથાથી 152 અને અન્ય પદ્ધતિઓ દ્વારા બે ગોલ કર્યા છે. રોનાલ્ડોએ તેની કારકિર્દીમાં અત્યાર સુધી 66 વખત હેટ્રિક ફટકારી છે.
ફૂટબોલ ઈતિહાસમાં સૌથી વધુ ગોલ કરનાર ખેલાડીઓની યાદીમાં આર્જેન્ટિનાના દિગ્ગજ ખેલાડી લિયોનેલ મેસ્સી બીજા સ્થાને છે. મેસ્સીએ તેની શાનદાર કારકિર્દીમાં અત્યાર સુધીમાં 859 ગોલ કર્યા છે.
આ યાદીમાં ત્રીજા સ્થાને ચેક રિપબ્લિકના જોસેફ બિકેન છે. બિકેને 1930થી 156 સુધી લગભગ 530 મેચોમાં 837 ગોલ કર્યા છે.
બ્રાઝિલના ભૂતપૂર્વ સ્ટ્રાઈકર રોમારિયોએ 1985 થી 2007 સુધી 994 મેચમાં 772 ગોલ કર્યા છે.
બ્રાઝિલના મહાન ખેલાડી પેલેએ 1957થી 1977 દરમિયાન 831 મેચમાં 757 ગોલ કર્યા છે. પેલેનો વર્લ્ડ રેકોર્ડ લગભગ 50 વર્ષ સુધી રહ્યો.