'મને પ્રેમ જોઈએ' મોહમ્મદ શમીએ ખુલ્લેઆમ કર્યું એલાન
ટીમ ઈન્ડિયાના સ્ટાર ફાસ્ટ બોલર મોહમ્મદ શમી લાંબા સમયથી ક્રિકેટ એક્શનથી દૂર છે.
ગયા વર્ષે વર્લ્ડ કપ દરમિયાન શમીને પગની ઘૂંટીમાં ઈજા થઈ હતી, જેના માટે તેણે સર્જરી કરાવવી પડી હતી અને હાલમાં તે રિહેબિલિટેશનમાંથી પસાર થઈ રહ્યો છે.
એક તરફ ચાહકો શમીના વાપસીની રાહ જોઈ રહ્યા છે તો બીજી તરફ સ્ટાર ફાસ્ટ બોલર પ્રેમની શોધમાં છે. શમીએ ખુલ્લેઆમ જાહેર કર્યું છે કે તેને માત્ર પ્રેમ જોઈએ છે.
હવે જો તમે વિચારી રહ્યા હોવ કે પત્નીથી અલગ રહેતો શમી નવો પ્રેમ શોધી રહ્યો છે તો એવું બિલકુલ નથી.
જ્યારે શમીને એક ઇન્ટરવ્યુમાં પૂછવામાં આવ્યું કે શું તેને PR (પબ્લિક રિલેશન)ની જરૂર છે, તો શમીએ ઇનકાર કર્યો.
સ્ટાર પેસરે કહ્યું કે તેને કોઈ પીઆરની જરૂર નથી, પરંતુ લોકોના પ્રેમની જરૂર છે.
શમીએ એ પણ જણાવ્યું કે વિરાટ કોહલી અને ઈશાંત શર્મા ટીમ ઈન્ડિયામાં તેના સૌથી સારા મિત્રો છે, જેઓ ઈજા અને રિકવરીના સમયે તેની તબિયત વિશે જાણવા માટે હંમેશા ફોન કરે છે.