VIDEO: બનાસકાંઠાની થરા નગરપાલિકા ચૂંટણી માટે ૧૮ મતદાન મથકો પર ચુસ્ત બંદોબસ્ત વચ્ચે મતદાન શરૂ

બનાસકાંઠા જિલ્લાની થરા નગરપાલિકાની ચૂંટણી માટે આજે સવારથી જ શાંતિપૂર્ણ માહોલમાં મતદાન પ્રક્રિયા શરૂ થઈ ગઈ છે. નગરપાલિકા વિસ્તારના ૧૮ મતદાન મથકો પર મતદારો પોતાના મતાધિકારનો ઉપયોગ કરવા માટે ઉત્સાહભેર પહોંચી રહ્યા છે. ચૂંટણી પ્રક્રિયા મુક્ત, ન્યાયી અને શાંતિપૂર્ણ રીતે સંપન્ન થાય તે માટે પોલીસ તંત્ર દ્વારા તમામ મતદાન કેન્દ્રો પર કડક અને ચુસ્ત સુરક્ષા બંદોબસ્ત ગોઠવી દેવામાં આવ્યો છે. વહેલી સવારથી જ મથકો પર મતદારોની લાઈનો જોવા મળી રહી છે. સ્થાનીક રાજકારણમાં ગરમાવો લાવનાર આ ચૂંટણીમાં શાંતિપૂર્ણ રીતે મતદાન થાય તે માટે ચૂંટણી પંચ અને સ્થાનિક પ્રશાસન દ્વારા તમામ જરૂરી તૈયારીઓ અને નિરીક્ષણ કરવામાં આવી રહ્યું છે.