VIDEO: ANDARNI VAAT / કાલિમપોંગમાં ભયાનક ભૂસ્ખલન, ૨૯મા માઈલ પાસે NH-10 બંધ થતાં સિક્કિમ સંપર્કવિહોણું!

પશ્ચિમ બંગાળના કાલિમપોંગ જિલ્લામાં સતત વરસી રહેલા મુસળધાર વરસાદને કારણે ગંભીર ભૂસ્ખલનની ઘટના સામે આવી છે. કાલિમપોંગ નજીક આવેલા ૨૯મા માઈલ અને રવિખોલા વિસ્તાર પાસે પહાડ પરથી મોટી ભેખડો અને કાદવ રસ્તા પર ધસી પડ્યા છે. આ ભયાનક ભૂસ્ખલનને કારણે મુખ્ય રાષ્ટ્રીય ધોરીમાર્ગ-૧૦ સંપૂર્ણપણે અવરોધાઈ ગયો છે. સિક્કિમ રાજ્યને દેશના બાકીના ભાગો સાથે જોડતો આ મુખ્ય હાઈવે બંધ થઈ જતાં વાહનવ્યવહાર ઠપ્પ થઈ ગયો છે. માર્ગ બંધ થવાના કારણે સિક્કિમનો ભારત દેશના અન્ય રાજ્યો સાથેનો જમીની સંપર્ક સંપૂર્ણપણે કપાઈ ગયો છે. હાઈવે પર બંને બાજુ અસંખ્ય માલવાહક ટ્રકો, પ્રવાસી વાહનો અને સ્થાનિક વાહનોની લાંબી કતારો લાગી ગઈ છે. આ આકસ્મિક આફતને કારણે મુસાફરો અને પ્રવાસીઓ રસ્તામાં જ અટવાઈ પડતાં ભારે મુશ્કેલીનો સામનો કરી રહ્યા છે.

નેશનલ હાઈવે એન્ડ ઈન્ફ્રાસ્ટ્રક્ચર ડેવલપમેન્ટ કોર્પોરેશન લિમિટેડ દ્વારા રસ્તા પરથી માટી, પથ્થરો અને કાટમાળ હટાવીને માર્ગ પુનઃશરૂ કરવાની કામગીરી યુદ્ધના ધોરણે હાથ ધરવામાં આવી છે. જોકે, વિસ્તારમાં સતત વરસી રહેલા વરસાદ અને પહાડો પરથી હજુ પણ પથ્થરો પડવાના ભયના કારણે રાહત કામગીરીમાં ભારે અડચણો આવી રહી છે..

બ્યૂરો રિપોર્ટ જીએસટીવી