VIDEO: પવિત્ર પામ સન્ડે 2026: તિરુચિરાપલ્લી અને થુથુકુડીમાં ખ્રિસ્તી સમુદાયે આસ્થાભેર ઉજવ્યો પર્વ

VIDEO: તમિલનાડુના  કેથોલિક ખ્રિસ્તી સમુદાયે થુથુકુડીના સેક્રેડ હાર્ટ કેથેડ્રલમાં પામ સન્ડે તહેવાર ઊંડા ભક્તિભાવથી ઉજવ્યો હતો.ઈસુ ખ્રિસ્તના જેરુસલેમમાં વિજયી પ્રવેશની યાદમાં ઉજવવામાં આવે છે.

તમિલનાડુના થુથુકુડીના સેક્રેડ હાર્ટ કેથેડ્રલમાં પામ સન્ડે તહેવારની ઉજવણી માટે મોટી સંખ્યામાં ભક્તોએ કેથેડ્રલમાં એકત્ર થઈને ખાસ પ્રાર્થનામાં ભાગ લીધો. બિશપ સ્ટીફનના નેતૃત્વમાં પાદરીઓ અને ધર્મગુરુઓની હાજરીમાં યોજાયેલી શોભાયાત્રા કાર્યક્રમનું મુખ્ય આકર્ષણ બની હતી.ભક્તોએ ખજૂરના પાન હાથમાં લઈને શહેરના મુખ્ય માર્ગો પર શોભાયાત્રા કાઢી.

બાળકોથી વૃદ્ધો સુધીના તમામ વયના લોકોએ ઉત્સાહપૂર્વક ભાગ લીધો અને આધ્યાત્મિક ઉત્થાન અનુભવ્યું.તિરુચિરાપલ્લીના મેલાપુદુરમાં પણ સેન્ટ મેરી કેથેડ્રલમાં ભક્તોએ ખજૂરના પાન સાથે શોભાયાત્રા યોજીને પામ સન્ડે ઉજવ્યો.પવિત્ર સપ્તાહની શરૂઆત કરતા આ તહેવાર પેશન વીકની શરૂઆતને ચિહ્નિત કરે છે. આ વર્ષે ઈસ્ટર 5 એપ્રિલે ઉજવવામાં આવશે.