VIDEO: ચાર ધામ યાત્રા 2026! ઓમકારેશ્વર મંદિરથી કેદારનાથ સુધી બાબાની પાલખીનો પ્રારંભ, જાણો સંપૂર્ણ કાર્યક્રમ

શ્રદ્ધા અને ભક્તિના પવિત્ર પ્રતીક ગણાતા કેદારનાથ ધામના કપાટ 22મી એપ્રિલે 8 વાગ્યે યાત્રાળુઓ માટે ખોલવામાં આવશે. વૈદિક વિધિઓપરંપરાગત રીતરિવાજો અને સનાતન પરંપરાઓ અનુસાર કેદારનાથ ધામનું ઔપચારિક ઉદ્ઘઘાટન થશે.

 ભગવાન કેદારનાથની ઉત્સવ ડોળી ભવ્ય અને પરંપરાગત વિધિઓ પછી ઉખીમઠના ઓમકારેશ્વર મંદિરમાંથી પ્રસ્થાન કરશે. મંદિર પરિસરને ફૂલોથી સજાવવામાં આવ્યું છે અને મોટી સંખ્યામાં ભક્તો એકઠા થવા લાગ્યા છે. આજે સાંજની આરતી પછી કેદારપુરીના રક્ષક દેવતા ભુકુંડ ભૈરવની ખાસ પૂજા કરવામાં આવશે.જિલ્લામાં ભારે ઉત્સાહ જોવા મળી રહ્યો છે અને વહીવટી તંત્ર આ પ્રસંગ માટે તમામ જરૂરી વ્યવસ્થાઓ પૂર્ણ કરવાના અંતિમ તબક્કામાં છે.નિર્ધારિત કાર્યક્રમ અનુસાર, 19 એપ્રિલે ડોળી ઉખીમઠથી ફાટા પહોંચી.

20મી એપ્રિલે ફાટાથી ગૌરીકુંડ જઈને ગૌરીમાઈ મંદિરમાં રાત્રિ રોકાણ કરશે. 21મી એપ્રિલે સવારે ડોળી ગૌરીકુંડથી નીકળીને કેદારનાથ ધામના ભંડાર સુધી પહોંચશે. ત્યારબાદ ૨૨ એપ્રિલે સવારે 8 વાગ્યે મંદિરના દરવાજા ભક્તો માટે ખુલ્લા મૂકવામાં આવશે.ગઢવાલ વિભાગીય કમિશનર વિનય શંકર પાંડેએ ચાર ધામ યાત્રા ૨૦૨૬ના સુચારુ સંચાલન માટે તમામ જિલ્લા મેજિસ્ટ્રેટ અને પોલીસ અધિક્ષકોને નિર્દેશો આપ્યા છે. યાત્રા માર્ગો પર વાહનોની અવરજવર સવારે ૪ વાગ્યાથી રાત્રે 10 વાગ્યા સુધી જ પરવાનગી આપવામાં આવશે. રાત્રે 10 વાગ્યાથી સવારે 4વાગ્યા સુધી ફક્ત ભારે વાહનોને જ ચલાવવાની મંજૂરી રહેશે .