VIDEO: બિહારના રાજકારણમાં મોટો વળાંક: નીતિશ કુમાર મુખ્યમંત્રી પદ છોડી રાજ્યસભામાં જશે, તેજસ્વીનો 'બળજબરી'નો દાવો!

 VIDEO: બિહાર વિધાનસભામાં વિરોધ પક્ષના નેતા તેજસ્વી યાદવે દાવો કર્યો કે જેડીયુ પ્રમુખ અને મુખ્યમંત્રી નીતિશ કુમારને રાજ્યસભામાં બળજબરીથી મોકલવામાં આવ્યા છે. તેજસ્વીએ દાવો કર્યો કે નીતિશને રાજ્યસભામાં જવાની કોઈ ઈચ્છા નહોતી

 આરજેડી નેતા તેજસ્વી યાદવે જણાવ્યું કે મુખ્યમંત્રીને રાજ્યસભામાં જવાની કોઈ ઇચ્છા નહોતી, પરંતુ તેમને બળજબરીથી મોકલવામાં આવ્યા છે. તેજસ્વીએ આરોપ લગાવ્યો કે જેડીયુના કેટલાક લોકો ભાજપ સાથે મળીને પાર્ટીનો નાશ કરવા માટે કરાર કરી રહ્યા છે. મુખ્યમંત્રીના નિર્ણયો અંતિમ નથી. તેમના ચહેરા પાછળ જેડીયુના થોડા લોકો નિર્ણયો લઈ રહ્યા છે અને ભાજપ સાથે મળીને પાર્ટીનો વિનાશ કરી રહ્યા છે. 5મી માર્ચે નીતિશ કુમારે રાજ્યસભા ચૂંટણી માટે ઉમેદવારી નોંધાવી હતી. 75 વર્ષીય નીતિશે એક હૃદયસ્પર્શી સંદેશમાં જણાવ્યું કે તેમને સંસદના બંને ગૃહોમાં સેવા આપવાની ઇચ્છા હતી. તેમણે વિકસિત બિહારના નિર્માણ માટે પ્રતિબદ્ધતા વ્યક્ત કરી અને નવી સરકારને સહકાર અને માર્ગદર્શન આપવાનું વચન આપ્યું હતું.

NDAએ નીતિશના આ નિર્ણયનું સ્વાગત કર્યું છે. કેન્દ્રીય ગૃહમંત્રી અમિત શાહે નીતિશના મુખ્યમંત્રી તરીકેના કાર્યકાળને બિહારના ઈતિહાસમાં સુવર્ણ પ્રકરણ ગણાવ્યો હતો અને રાજ્યની પ્રગતિમાં તેમના યોગદાનની પ્રશંસા કરી હતી.નીતિશ કુમારે લગભગ 20 વર્ષ સુધી બિહારના મુખ્યમંત્રી તરીકે સેવા આપી છે. તેમના રાજ્યસભા જવાથી બિહારમાં નવા મુખ્યમંત્રીની ચર્ચા તેજ બની છે. તેજસ્વી યાદવે આને મહારાષ્ટ્ર મોડલનું બિહારમાં અમલ તરીકે વર્ણવ્યું છે.