VIDEO: ડીસામાં બે કલાકમાં ત્રણ ઈંચ વરસાદ, નીચાણવાળા વિસ્તાર જળબંબાકાર

બનાસકાંઠાના ડીસામાં સાંજે માત્ર બે કલાકમાં અંદાજે 3 ઈંચ વરસાદ વરસતા શહેરના અનેક વિસ્તારોમાં પાણી ભરાઈ ગયા છે. ભારે વરસાદને કારણે વાહનચાલકો અને સ્થાનિકોને અવરજવરમાં ભારે મુશ્કેલીઓનો સામનો કરવો પડ્યો હતો. વરસાદથી વાતાવરણમાં ઠંડક પ્રસરી અને લોકોને ગરમીમાંથી રાહત મળી છે. હવામાન વિભાગે આગામી કલાકોમાં પણ વરસાદી માહોલ યથાવત રહેવાની આગાહી કરી છે. વરસાદને પગલે વહીવટી તંત્ર પણ સતર્ક બની પરિસ્થિતિ પર સતત નજર રાખી રહ્યું છે. ડીસામાં ટૂંકા ગાળામાં પડેલા ભારે વરસાદે વરસાદી સિસ્ટમની તીવ્ર અસરનો અહેસાસ કરાવ્યો છે.