VIDEO : હીટવેવની ગંભીર અસર: હીટ સ્ટ્રોકના કેસોમાં મોટો ઉછાળો

ઉત્તર પ્રદેશના મુરાદાબાદ શહેરમાં હાલ કાળઝાળ ગરમી અને તીવ્ર હીટવેવનો પ્રકોપ જોવા મળી રહ્યો છે, જ્યાં તાપમાનનો પારો 41 ડિગ્રી સેલ્સિયસને પાર પહોંચી ગયો છે.. અસહ્ય તાપ અને ગરમ પવનોના કારણે રસ્તાઓ સુમસામ નજરે પડી રહ્યા છે અને લોકોને બહાર નીકળવું મુશ્કેલ બન્યું છે.. ગરમીથી બચવા માટે સ્થાનિકો પુષ્કળ પ્રમાણમાં પાણી અને જ્યુસનો સહારો લઈ રહ્યા છે.. જનતાને રાહત આપવા માટે સામાજિક સ્તરે ઠેર-ઠેર પાણીના તંબુ લગાવવામાં આવ્યા છે અને ઠંડા પીણાંનું વિતરણ કરવામાં આવી રહ્યું છે.. તેમ છતાં, આકરી ગરમીના કારણે લોકોને ચક્કર આવવા અને ચાલવામાં તકલીફ પડવી જેવી શારીરિક સમસ્યાઓનો સામનો કરવો પડી રહ્યો છે.

આ ગંભીર પરિસ્થિતિની અંદરની ખાસ વાત એ છે કે, અચાનક વધેલા તાપમાનના કારણે શહેરમાં હીટ સ્ટ્રોકના કેસોમાં ભારે ઉછાળો આવ્યો છે, જે સ્થાનિક આરોગ્ય તંત્ર માટે ચિંતાનો વિષય બન્યો છે.. પારો હજુ પણ વધવાની સંભાવના હોવા છતાં અનેક શ્રમિકો પેટનો ખાડો પૂરવા માટે બપોરના સમયે પણ ખુલ્લા આકાશ નીચે મજૂરી કરવા મજબૂર બન્યા છે, જેમના સ્વાસ્થ્ય પર મોટું જોખમ તોળાઈ રહ્યું છે. આ આકરી પરિસ્થિતિ વચ્ચે નિષ્ણાતો દ્વારા લોકોને બપોરે સીધા સૂર્યપ્રકાશથી બચવા, શરીર અને માથું ઢાંકીને જ બહાર નીકળવા તેમજ સતત હાઇડ્રેટેડ રહેવા માટે ખાસ અપીલ કરવામાં આવી છે.