VIDEO: અમદાવાદના સરસપુર વોરાના રોજા વિસ્તારમાં સામાન્ય વરસાદમાં જ રસ્તાઓ તળાવમાં ફેરવાઈ ગયા

અમદાવાદના સરસપુર વોરાના રોજા વિસ્તારમાં સામાન્ય વરસાદમાં જ રસ્તાઓ તળાવમાં ફેરવાઈ ગયા છે, જેના કારણે વાહનચાલકો અને રાહદારીઓને ભારે હાલાકીનો સામનો કરવો પડી રહ્યો છે. અનેક વાહનો ભરાયેલા પાણીમાંથી અત્યંત ધીમી ગતિએ પસાર થતા નજરે પડ્યા હતા. સ્થાનિક લોકોએ તંત્રની ડ્રેનેજ વ્યવસ્થા સામે ગંભીર સવાલો ઉઠાવ્યા છે કારણ કે દર વર્ષે આ વિસ્તારમાં પાણી ભરાવાની સમસ્યા યથાવત રહે છે અને પાણીના યોગ્ય નિકાલના તમામ દાવા પોકળ સાબિત થયા છે. રેડ એલર્ટ વચ્ચે નાગરિકોમાં ચિંતાનો માહોલ વધી ગયો છે અને આગામી ભારે વરસાદ પહેલાં આ સ્થિતિ તંત્ર માટે ગંભીર ચેતવણી સમાન છે, ત્યારે સ્થાનિકો દ્વારા આ સમસ્યાના કાયમી ઉકેલની માંગ ઉગ્ર બની છે.