VIDEO: અમરેલીના દામનગર અને ગ્રામ્ય વિસ્તારમાં ધોધમાર વરસાદથી ખેડૂતોમાં ભારે આનંદ છવાયો

અમરેલીના દામનગર અને તેના આસપાસના ગ્રામ્ય વિસ્તારોમાં ભારે પવન સાથે ધોધમાર વરસાદ ખાબક્યો છે. આ ઉપરાંત નજીક આવેલા ઘુફણીયા અને આંબરડી ગામોમાં પણ સારો એવો વરસાદ નોંધાયો છે. લાંબા સમયથી પાક માટે સારા વરસાદની આતુરતાપૂર્વક રાહ જોઈ રહેલા સ્થાનિક ખેડૂતોમાં આ મેઘમહેરને કારણે આનંદ અને ખુશીનો માહોલ છવાઈ ગયો છે. વરસાદને પગલે સમગ્ર વિસ્તારમાં ઠંડક પ્રસરી ગઈ છે અને ખેતીના પાકને પણ મોટો ફાયદો થવાની આશા સેવાઈ રહી છે.