VIDEO: સાબરમતી નદીમાં ઇન્ટરસેપ્ટર લાઇન મુદ્દે એલિસબ્રિજના ધારાસભ્ય અમિત શાહના મેયર અને સીટી ઇજનેર સામે સવાલો

સાબરમતી નદીમાં પ્રદૂષિત પાણી આવતું અટકાવવા અને ચોમાસા દરમિયાન વરસાદી પાણી નદીમાં ઠાલવવા માટે રિવરફ્રન્ટ ખાતે ખાસ ઇન્ટરસેપ્ટર લાઇન નાખવામાં આવી હતી. આ સિસ્ટમ મુજબ રસ્તાઓ પર વધુ પાણી ભરાય ત્યારે તે ઓવરફ્લો થઈને નદીમાં જવું જોઈએ, પરંતુ આ લાઇન યોગ્ય રીતે કામ કરતી ન હોવાનો મુદ્દો ઉઠ્યો છે. એલિસબ્રિજના ધારાસભ્ય અમિત શાહે સવાલ કર્યો હતો કે જો ઇન્ટરસેપ્ટર લાઇન કાર્યરત છે તો નદીમાં પાણી કેમ પહોંચતું નથી? આ ગંભીર પ્રશ્ન અંગે તેમણે મેયર અને સીટી ઇજનેરને રિવરફ્રન્ટ ખાતે બોલાવ્યા હતા. અગાઉ સંકલન સમિતિની બેઠકમાં પણ આ મુદ્દો ગાજ્યો હતો, જે સંદર્ભે GSTV દ્વારા ધારાસભ્ય અમિત શાહ સાથે ખાસ વાતચીત કરવામાં આવી હતી.