VIDEO:ખેતરમાં ખાંભો, વળતરમાં 'બાંઠો'

સુરેન્દ્રનગર જિલ્લામાં ૭૨૦ KVની હાઈટેન્શન વીજલાઇનની કામગીરી સામે ખેડૂતોનો આક્રોશ ચરમસીમાએ પહોંચ્યો છે. કચ્છથી શરૂ થયેલી આ વીજલાઇનની કામગીરી હવે સુરેન્દ્રનગરના કોંઢ ગામે પહોંચતા જ વિવાદ વકર્યો છે. તંત્ર દ્વારા પોલીસ બંદોબસ્ત સાથે ખેડૂતોના ખેતરોમાં બળજબરીપૂર્વક થાંભલા ઊભા કરાતા, પોલીસની આ કથિત દમનગીરી સામે ખેડૂતોએ હવે બાયો ચડાવી છે.ખેડૂતોની સ્પષ્ટ માંગ છે કે પહેલા જમીનનું પૂરું વળતર ચૂકવવામાં આવે અને માત્ર નક્કી કરાયેલા કોરિડોરમાં જ કામગીરી કરવામાં આવે. આ ગંભીર મુદ્દે આગામી શનિવારે લાલજી દેસાઈ, પાલ આંબલીયા, પ્રવીણ રામ અને ભરતસિંહ સહિતના અગ્રણી ખેડૂત નેતાઓની આગેવાનીમાં કલેક્ટર કચેરીનો ઉગ્ર ઘેરાવ કરવામાં આવશે.