VIDEO: પીએમ મોદીની કાશી મુલાકાત; બાબા વિશ્વનાથના દર્શન બાદ ગંગા એક્સપ્રેસ-વેના ઉદ્ઘાટન માટે હરદોઈ પહોંચ્યા

વડાપ્રધાન નરેન્દ્ર મોદીએ આજે તેમના સંસદીય મતવિસ્તાર વારાણસીની મુલાકાતના બીજા દિવસે શ્રી કાશી વિશ્વનાથ મંદિરે દર્શન અને પૂજા-અર્ચના કરી હતી. વડાપ્રધાને બાબા વિશ્વનાથના જળાભિષેક સાથે રાષ્ટ્રની સમૃદ્ધિ માટે પ્રાર્થના કરી હતી. વડાપ્રધાન સંપૂર્ણ શ્રદ્ધા સાથે વિધિ-વિધાનમાં સહભાગી થયા હતા. મંદિર પરિસરમાં વડાપ્રધાનનું ભવ્ય સ્વાગત કરવામાં આવ્યું હતું. કાશી વિશ્વનાથ ધામના નિર્માણ બાદ આ સ્થળના બદલાયેલા સ્વરૂપ અને દિવ્યતાની વચ્ચે પીએમની આ મુલાકાત ભક્તોમાં પણ ભારે ઉત્સાહ જગાડનારી રહી છે. કાશીની મુલાકાત બાદ પીએમ મોદી હરદોઈ ખાતે ગંગા એક્સપ્રેસ-વેનું ઉદ્ઘાટન કરવા રવાના થયા હતા.