VIDEO: નાહરગઢ પાર્કનું આયોજન; પ્રાણીઓને ગરમી ન લાગે તે માટે કુલરથી લઈને ગ્લુકોઝ સુધીની કરાઈ વ્યવસ્થા

રાજસ્થાનના જયપુરમાં કાળઝાળ ગરમી અને હીટવેવની શરૂઆત થતા નાહરગઢ બાયોલોજીકલ પાર્કમાં વન્યજીવોને સુરક્ષિત રાખવા માટે ખાસ વ્યવસ્થાઓ કરવામાં આવી છે. વધતા જતા તાપમાનથી પ્રાણીઓને બચાવવા માટે તેમના પાંજરામાં કુલર અને પાણીના ફુવારા લગાવવામાં આવ્યા છે, જેથી વાતાવરણમાં ઠંડક જળવાઈ રહે. આ ઉપરાંત, વન્યજીવોના આહારમાં પણ ફેરફાર કરવામાં આવ્યો છે; તેમને ઠંડક આપવા માટે ઠંડુ દૂધ, ફળોનો આઈસ્ક્રીમ, ગ્લુકોઝ અને ખાસ પ્રકારનું સત્તુ આપવામાં આવી રહ્યું છે. વન્યજીવોના સ્વાસ્થ્યની દેખરેખ માટે દર બે દિવસે મેડિકલ ચેકઅપ ફરજિયાત કરવામાં આવ્યું છે અને પ્રાણીઓને ગરમીથી રાહત મળે તે માટે સવાર-સાંજ નવડાવવાની પણ વ્યવસ્થા કરવામાં આવી છે. પાર્ક પ્રશાસન દ્વારા લેવામાં આવેલા આ પગલાંનો મુખ્ય ઉદેશ્ય કાળઝાળ ગરમીમાં મૂંગા પશુઓને ડિહાઇડ્રેશન અને હીટ સ્ટ્રોકથી બચાવવાનો છે.