VIDEO / ફરી એક મિશન પર નીકળ્યો જયદીપ અહલાવત, એક્શન-સસ્પેન્સથી ભરપૂર છે 'પાતાલ લોક 2'નું ટ્રેલર

નવા વર્ષની શરૂઆત શાનદાર થઈ રહી છે. નવા વર્ષના પહેલા જ મહિનામાં લોકોને મનોરંજનનો ડોઝ મળવાનો છે. પ્રાઈમ વીડિયોની વેબ સિરીઝ 'પાતાલ લોક'ની બીજી સિઝન રિલીઝ થવા જઈ રહી છે. હવે આ સિરીઝનું ટ્રેલર રિલીઝ થઈ ગયું છે. જેમાં હાથીરામ ચૌધરી (જયદીપ અહલાવત) નવા કેસની તપાસ કરતો જોવા મળે છે.

આ પણ વાંચો: VIDEO / 'સત્યને જીતાડવાનો એક માત્ર રસ્તો છે યુદ્ધ', રિલીઝ થયું કંગના રણૌતની ફિલ્મ 'ઈમરજન્સી'નું બીજું ટ્રેલર

જયદીપ ઉપરાંત, ઈશ્વાક સિંહ અને ગુલ પનાગે 'પાતાલ લોક'ની બીજી સિઝન સાથે કમબેક કર્યું છે. આ સિવાય તિલોત્તમા શોમ, નાગેશ કુકુનૂર અને જાહનુ બરુઆ સિરીઝમાં મહત્ત્વની ભૂમિકામાં જોવા મળશે. 'પાતાલ લોક 2'નું નિર્દેશન અવિનાશ અરુણે કર્યું છે.

આવું છે ટ્રેલર

'પાતાલ લોક 2'નું ટ્રેલર ક્રાઈમ અને સસ્પેન્સથી ભરેલું છે. આ વખતે ફરી ઈન્સ્પેક્ટર હાથીરામ ચૌધરી કેસ સોલ્વ કરતો જોવા મળે છે. તે સિસ્ટમની વિરુદ્ધ પણ જાય છે. આ વખતે વાર્તા ખતરનાક ડ્રગ સિન્ડિકેટ સાથે સંકળાયેલા સ્થળાંતરિત કામદારના ગાયબ થવાની છે. જેને ઉકેલવાનું કામ હાથીરામને સોંપવામાં આવ્યું છે. એક તરફ, હાથીરામ સત્ય શોધવામાં વ્યસ્ત છે, તો બીજી તરફ, તેમના અંગત જીવનમાં ઘણું બધું થતું બતાવવામાં આવ્યું છે. હવે જોવાનું એ રહે છે કે હાથીરામ પોતાના અંગત જીવન અને કામને કેવી રીતે મેનેજ કરે છે.

'પાતાલ લોક'ની પહેલી સિઝન વિશે વાત કરીએ તો, તે ખૂબ જ પસંદ કરવામાં આવી હતી. આ સિરીઝ 15 મે 2020ના રોજ કોવિડના સમય દરમિયાન રિલીઝ કરવામાં આવી હતી. હવે લગભગ સાડા ચાર વર્ષ પછી તેનો બીજો ભાગ રિલીઝ થવા જઈ રહ્યો છે. બીજો ભાગ 17 જાન્યુઆરીએ રિલીઝ થશે. તે પહેલાં, તમે સિરીઝનો પહેલો ભાગ પણ જોઈ શકો છો જેથી તમને યાદ રહે કે પહેલા ભાગમાં શું થયું હતું.

'પાતાલ લોક' ની વાર્તા તરુણ તેજપાલના પુસ્તક 'ધ સ્ટોરી ઓફ માય અસાસન્સ' પર આધારિત હતી. આ સિરીઝને એટલી પસંદ કરવામાં આવી હતી કે પહેલા ભાગ બાદ ફેન્સ તેના બીજા ભાગની રાહ જોઈ રહ્યા હતા. હવે આ રાહ થોડા દિવસોમાં ખતમ થવા જઈ રહી છે.