VIDEO: ડિવોર્સની ચર્ચા વચ્ચે Natasa stankovic 'મિસ્ટ્રી મેન' સાથે જોવા મળી

ભારતીય ટીમના સ્ટાર ઓલરાઉન્ડર હાર્દિક પંડ્યા અને નતાશા સ્ટેનકોવિકના ડિવોર્સની ચર્ચા થઈ રહી છે. ત્યારે આ સ્થિતિ વચ્ચે નતાશાનો એક વીડિયો સામે આવ્યો છે. જેમાં નતાશા એક 'મિસ્ટ્રી મેન' સાથે જોવા મળી રહી છે. આ વીડિયો સોશિયલ મીડિયામાં વાયુ વેગે વાયરલ થઈ રહ્યો છે. 

નતાશાએ ઈન્સ્ટાગ્રામ એકાઉન્ટ પરથી પંડ્યા સરનેમ હટાવી

નતાશાએ તેના ઈન્સ્ટાગ્રામ એકાઉન્ટ પરથી પંડ્યા સરનેમ હટાવી દીધી છે. આ કારણે અટકળો લગાવવામાં આવી રહી છે કે બંને વચ્ચે બધુ બરાબર નથી.

હાર્દિક અને નતાશાના વર્ષ 2020માં લગ્ન થયા હતા

હાર્દિક અને નતાશાના વર્ષ 2020માં લગ્ન થયા હતા. તે જ વર્ષે નતાશાએ અગસ્ત્ય નામના પુત્રને જન્મ આપ્યો હતો. જોકે, 4 માર્ચે નતાશાનો જન્મદિવસ હતો તે સમયે હાર્દિકે પણ કોઈ પોસ્ટ કરી ન હતી. 

કેવી રીતે શરૂ થઈ હાર્દિક અને નતાશાની લવ સ્ટોરી?

નતાશા પહેલા હાર્દિકનું નામ ઘણી મોડલ અને અભિનેત્રીઓ સાથે જોડાયેલું હતું. જોકે, હાર્દિકે આ તમામ વાતને નકારી કાઢી હતી. આ પછી હાર્દિક એક નાઈટ ક્લબમાં નતાશા સ્ટેનકોવિકને મળ્યો હતો. ત્યારે નતાશાને ખબર નહોતી કે હાર્દિક એક ક્રિકેટર છે. આ વાત હાર્દિકે પોતે જ જણાવી હતી. તેણે કહ્યું હતું- નતાશાને ખબર નહોતી કે હું કોણ છું. અમે એકબીજા સાથે વાત કરી અને ધીરે ધીરે નજીક આવ્યા અને  2020માં બંનેએ લગ્ન કરી લીધા હતા.