VIDEO: મધ્ય પ્રદેશ: મંદાકિની નદીના પૂર બાદ અસરગ્રસ્ત વિસ્તારોના સવારના દ્રશ્યો

મધ્ય પ્રદેશમાં ભારે વરસાદના પગલે મંદાકિની નદીના જળસ્તરમાં ભયાનક વધારો થતાં ધાર્મિક નગરી ચિત્રકૂટ અને સતના જિલ્લાના અનેક વિસ્તારોમાં પૂરની વિકટ પરિસ્થિતિ સર્જાઈ છે. પૂરના પાણી ઓસર્યા બાદ સવારે સામે આવેલા દ્રશ્યોમાં રામઘાટ, નિર્મોહી અખાડા સહિતના નીચાણવાળા વિસ્તારો, ઘરો અને દુકાનો પાણીમાં ગરકાવ થયેલા જોવા મળ્યા છે. મંદાકિની નદી ખતરાના નિશાનથી ઉપર વહી રહી હોવાથી તંત્ર દ્વારા સતત પરિસ્થિતિ પર નજર રાખવામાં આવી રહી છે. પૂર પ્રભાવિત વિસ્તારોમાં NDRF, SDRF અને ભારતીય વાયુસેનાના હેલિકોપ્ટર દ્વારા રાહત અને બચાવ કામગીરી હાથ ધરવામાં આવી છે, જેના દ્વારા સેંકડો લોકોને સુરક્ષિત સ્થળે ખસેડવામાં આવ્યા છે. મુખ્યમંત્રી મોહન યાદવે પણ સ્થિતિની સમીક્ષા કરી છે અને વહીવટી તંત્રને નાગરિકોની મદદ માટે તમામ જરૂરી પગલાં લેવાના નિર્દેશ આપ્યા છે.