VIDEO: 'મેરે કરન અર્જુન આયેંગે', ફરી એકસાથે સિલ્વર સ્ક્રીન પર દેખાશે સલમાન-શાહરુખની આ ફિલ્મ
અત્યારે જ્યારે બોક્સ ઓફિસ પર મંદી છે, ત્યારે જ
અત્યારે જ્યારે બોક્સ ઓફિસ પર મંદી છે, ત્યારે જૂની ફિલ્મો થિયેટરોમાં ફરીથી રિલીઝ કરવામાં આવી રહી છે. અત્યાર સુધી ઘણી કલ્ટ ક્લાસિક ફિલ્મો થિયેટરોમાં ફરીથી રિલીઝ થઈ છે. હવે આ યાદીમાં સલમાન ખાન અને શાહરૂખ ખાન સ્ટારર ફિલ્મ 'કરણ-અર્જુન' પણ સામેલ થઈ ગઈ છે. આ ફિલ્મ બોક્સ ઓફિસ પર બ્લોકબસ્ટર રહી હતી. હવે 90ના દાયકાની આ આઇકોનિક ફિલ્મ ફરી એકવાર દર્શકોના મનોરંજન માટે સિનેમાઘરોમાં આવી રહી છે. તેમજ સલમાન ખાને પણ 30 વર્ષ પછી 'કરણ અર્જુન'ની ફરીથી રિલીઝ થવા પર સોશિયલ મીડિયા પર પોસ્ટ કરીને પોતાનો ઉત્સાહ શેર કર્યો છે.
સલમાન ખાને 'કરણ અર્જુન'ની રી-રિલીઝ પર કરી પોસ્ટ
ઉલ્લેખનીય છે કે, આ ફિલ્મમાં સલમાન ખાને કરણનો રોલ કર્યો હતો. જ્યારે શાહરૂખ ખાને અર્જુન કપૂરનો રોલ કર્યો હતો. આ ફિલ્મ હવે ફરીથી 22 નવેમ્બરે થિયેટરમાં રિલીઝ થશે. આ દરમિયાન, સલમાન ખાને તેના X એકાઉન્ટ પર ફિલ્મનું ટીઝર શેર કરીને તેના વિશે પોતાનો ઉત્સાહ વ્યક્ત કર્યો છે. તેણે મજાકમાં લખ્યું, "રાખીજીએ ફિલ્મમાં સાચું કહ્યું હતું કે, ‘મેરે કરન અર્જુન આયેંગે...’ ફિલ્મ 22 નવેમ્બરે દુનિયાભરના સિનેમાઘરોમાં આવશે!"
હ્રિતિક રોશને પણ 'કરન અર્જુન'ની રી-રિલીઝ પર વ્યક્ત કર્યો ઉત્સાહ
હ્રિતિક રોશને પણ 'કરન અર્જુન'ની રી-રિલીઝ પર પોતાનો ઉત્સાહ વ્યક્ત કર્યો છે. ઉલ્લેખનીય છે કે, ‘વૉર’ એક્ટરે ફિલ્મમાં તેના પિતા સાથે કેમેરાની પાછળ કામ કર્યું હતું. હ્રિતિકે ટીઝર શેર કર્યું!”
‘કરન અર્જુન’ એક કલ્ટ ક્લાસિક ફિલ્મ
કરન અર્જુન પુનર્જન્મ વિશેની એક કલ્ટ ક્લાસિક ફિલ્મ છે જે બે ભાઈઓ કરણ (સલમાન ખાન) અને અર્જુન (શાહરુખ ખાન)ની આસપાસ ફરે છે જેઓ તેમની માતા (રાખી)ની રક્ષા કરતી વખતે મોતને ભેટે છે. બંને પુત્રોના મૃત્યુ પછી, માતા કહે છે કે, મારા કરણ-અર્જુન પાછા આવશે અને બદલો લેશે. ફિલ્મમાં કરણ અને અર્જુનનો પુનર્જન્મ થાય છે અને પછી તેઓ એ જ ગામમાં જાય છે જ્યાં તેમની માતા તેમના પરત આવવાની રાહ જોઈ રહી હતી. આ ફિલ્મમાં કાજોલ અને મમતા કુલકર્ણી પણ હતાં.
