VIDEO: નસવાડીના કેવડી ગામે કોઝવે ધોવાતા ગ્રામજનોની મુશ્કેલીઓ વધી

નસવાડી તાલુકાના કેવડી ગામ નજીક આવેલો કોઝવે ધોવાઈ જતા ગ્રામજનો ભારે મુશ્કેલીનો સામનો કરી રહ્યા છે. કેવડી ગામને નાની ઝડુલી, મોટી ઝડુલી, કવાંટ અને છોટાઉદેપુર સાથે જોડતો આ માર્ગ ચોમાસામાં વારંવાર બંધ થઈ જાય છે. કોઝવે તૂટી જવાથી વાહનવ્યવહાર ઠપ્પ થઈ જાય છે અને 108 એમ્બ્યુલન્સ જેવી જરૂરી સેવાઓ પણ પહોંચી શકતી નથી. ઇમરજન્સી સમયે દર્દીઓને પગપાળા કોઝવે પાર કરાવવાની ફરજ પડે છે. બાળકો પણ જોખમી રસ્તેથી શાળાએ જઈ રહ્યા છે. અનેક રજૂઆતો છતાં પુલ બનાવવામાં ન આવતા ગ્રામજનોએ એકત્ર થઈ સૂત્રોચ્ચાર કરી તંત્ર સામે રોષ વ્યક્ત કર્યો છે.