VIDEO: ડાંગમાં ભારે વરસાદથી ગીરા ધોધ રોદ્ર સ્વરૂપે, પ્રવાસીઓ માટે પ્રવેશ પર પ્રતિબંધ

ડાંગ જિલ્લામાં મેઘરાજાની ધમાકેદાર ઇનિંગ્સ યથાવત રહેતા સમગ્ર પંથકમાં જળબંબાકારની સ્થિતિ સર્જાઈ છે. ભારે વરસાદને કારણે અંબિકા, પૂર્ણા, ખાપરી અને ગીરા જેવી મુખ્ય નદીઓના જળસ્તરમાં સતત વધારો થઈ રહ્યો છે. ખાસ કરીને અંબિકા નદી પર આવેલા પ્રખ્યાત ગીરા ધોધે રૌદ્ર સ્વરૂપ ધારણ કરી લીધું છે. નદીઓ અને ધોધના ઉછળતા પાણીને જોતા પ્રશાસન દ્વારા પ્રવાસીઓની સુરક્ષાને ધ્યાનમાં રાખીને ગીરા ધોધની નજીક જવા પર તાત્કાલિક અસરથી પ્રતિબંધ મૂકી દેવામાં આવ્યો છે. બીજી તરફ, આહલાદક વરસાદી માહોલ વચ્ચે ગીરા ધોધની મુલાકાતે પહોંચેલા પ્રવાસીઓએ સુરક્ષિત સ્થળે રહીને ગરબાની રમઝટ બોલાવી કુદરતી સૌંદર્યની મજા માણી હતી.