VIDEO : આ છે ખરેખરો કોબ્રા પ્રેમી, સાપને ખોળામા સુવડાવી લાડ લડાવ્યો

કિંગ કોબ્રા (Ophiophagus Hannah)ને 'સાપનો રાજા' કહેવામાં આવે છે. તેનું ઝેર એટલું મજબૂત છે કે જો સમયસર સારવાર ન મળે તો, કોઈપણ વ્યક્તિ 45 મિનિટમાં મૃત્યુ પામી શકે છે. આ ભયાનક સાપમાં ફેણ હોય છે જે શક્તિશાળી ન્યુરોટોક્સિન ઝેર ફેંકે છે. પરંતુ દુનિયામાં ઘણા લોકો એવા છે જે કોબ્રા જેવા સાપ સાથે પણ છેડછાડ કરવામાં અચકાતા નથી. હવે આ વિડિયો જુઓ જે ઇન્ટરનેટ પર વાયરલ થઈ રહ્યો છે.

વાયરલ થઈ રહેલા વિડિયોમાં તમે બે લોકોને જંગલમાં બેઠા જોઈ શકો છો અને તેની સામે એક વિશાળ કોબ્રા છે. બીજી જ ક્ષણે તે માણસ કાળજીપૂર્વક કોબ્રાને કાબૂમાં રાખે છે અને પછી તેને બાળકની જેમ પોતાના ખોળામાં સુવડાવી દે છે. રસપ્રદ વાત એ છે કે સાપ પણ આનો ખૂબ આનંદ માણે છે, જ્યારે બીજી વ્યક્તિ આશ્ચર્યચકિત થઈને આ બધું જોઈ રહી છે.