બ્રિટિશ સંસદમાં હનુમાન ચાલીસાનું કરાયું પઠન, VIDEOમાં જુઓ અદભૂત દ્રશ્ય

બુધવારે બ્રિટિશ સંસદમાં હનુમાન ચાલીસાના પાઠનો એક અદ્ભુત દૃશ્ય જોવા મળ્યો. બાગેશ્વર બાબાની હાજરીમાં હનુમાન ચાલીસા ગાવામાં આવતો વીડિયો સોશિયલ મીડિયા પર વધુને વધુ વાયરલ થઈ રહ્યો છે. ધીરેન્દ્ર શાસ્ત્રી આ દિવસોમાં યુરોપના પ્રવાસે છે અને આ દરમિયાન તેઓ બુધવારે બ્રિટિશ સંસદ પહોંચ્યા હતા. અહીં તેમના હનુમાન ચાલીસાના પાઠ કાર્યક્રમે અદભૂત દ્રશ્ય ઊભું કર્યું હતું. 

બાગેશ્વર ધામના સત્તાવાર સોશિયલ મીડિયા હેન્ડલ પર શેર કરાયેલા એક વીડિયોમાં, યુકે પાર્લામેન્ટ હાઉસમાં ઘણા અધિકારીઓ, સાંસદો અને અન્ય મહેમાનો ચાલીસાનો પાઠ કરતા જોવા મળે છે. બાગેશ્વર ધામે સોશિયલ મીડિયા પ્લેટફોર્મ X પર એક પોસ્ટમાં લખ્યું, “લંડન સંસદના ઇતિહાસમાં પહેલીવાર. સરકાર દ્વારા શ્રી હનુમાન ચાલીસાના પાઠ કરવામાં આવ્યો.  સંસદમાં આવેલા તમામ મહેમાનોએ ભક્તિભાવથી પાઠ કર્યો.”

બ્રિટિશ સંસદમાં ભારતીય ધાર્મિક ગ્રંથનું જાહેરમાં પાઠ કરવામાં આવ્યું હોય તેવું આ પહેલી વાર બન્યું છે. સોશિયલ મીડિયા પર લોકો આ ક્ષણને ઐતિહાસિક ગણાવી રહ્યા છે. તે જ સમયે, કેટલાક લોકોએ તેને ખૂબ ગર્વનો પ્રસંગ પણ ગણાવ્યો છે.