VIDEO: અમરેલી જિલ્લાના લાઠી પંથકમાં વહેલી સવારે ધીમીધારે વરસાદ

અમરેલી જિલ્લામાં વહેલી સવારે વાતાવરણમાં મોટો પલટો જોવા મળ્યો છે. લાઠી શહેર તેમજ ગ્રામ્ય વિસ્તારોમાં મોડી રાતથી જ ધીમીધારે વરસાદ શરૂ થઈ ગયો હતો. લાઠી, દુઘાળા, રામપર, તાજપર અને ચાંવડ સહિતના આસપાસના ગામોમાં વરસાદી માહોલ જામ્યો છે. આખી રાત વરસેલા આ ધોધમાર કે ધીમા વરસાદને કારણે સમગ્ર પંથકમાં શીતલતા પ્રસરી ગઈ છે અને નાગરિકોને ઉનાળાની ગરમીમાંથી રાહત મળી છે. ખેતી માટે પણ આ વરસાદ ફાયદાકારક સાબિત થશે તેવી આશા સેવાય રહી છે.