VIDEO: મેઘાણીનગરમાં પિતાના ત્રાસથી ધોરણ 12ની સગીરાનો આપઘાત: દારૂડિયા પિતાની ધરપકડ

અમદાવાદના મેઘાણીનગર વિસ્તારમાં ધોરણ ૧૨માં અભ્યાસ કરતી હીરલ પરમાર નામની સગીરાએ ગળે ફાંસો ખાઈને આપઘાત કરી લીધો છે. સગીરાના પિતા રોજ દારૂ પીને ઘરે આવતા હતા અને દીકરી તેમજ પરિવાર સાથે ભારે મારપીટ કરી શારીરિક-માનસિક ત્રાસ આપતા હતા. પિતાના આ અસહ્ય ત્રાસ અને મારઝૂડથી કંટાળીને આખરે સગીરાએ આ આત્યંતિક પગલું ભર્યું હતું. ઘટનાની જાણ થતાં જ મેઘાણીનગર પોલીસે ગુનો નોંધી કાયદેસરની કાર્યવાહી હાથ ધરી છે. પોલીસે ત્વરિત પગલાં લઈ કડક કાર્યવાહીના ભાગરૂપે આરોપી પિતાની ધરપકડ કરી લીધી છે અને આ મામલે વધુ તપાસ શરૂ કરી છે.