VIDEO: અમદાવાદમાં ગેરકાયદે કફ સીરપનું સૌથી મોટું રેકેટ ઝડપાયું, 5050 બોટલો કબજે કરાઈ

અમદાવાદમાં શહેર એસઓજી ક્રાઈમ બ્રાન્ચે ગેરકાયદે કફ સીરપના મોટા નેટવર્કનો પર્દાફાશ કર્યો છે. રિલીફ રોડ જીપીઓ પાસેથી આ રેકેટ ઝડપાયું છે. અમદાવાદમાં પ્રથમ વાર ગેરકાયદે કફ સીરપનો સૌથી મોટો જથ્થો જપ્ત કરવામાં આવ્યો છે. પોસ્ટ મારફતે મિઝોરમ, ત્રિપુરા અને આસામ જેવા પૂર્વોત્તર રાજ્યોમાં મોકલાતો આ જથ્થો પકડાયો છે. એસઓજીએ ૬૦ લાખથી વધુની કિંમતની ૫ હજાર ૫૦ બોટલો કબજે કરી છે. એનડીપીએસ એક્ટ હેઠળ ગુનો દાખલ કરી પોલીસે વધુ તપાસ શરૂ કરી છે. કાળા કારોબારના મુખ્ય સૂત્રધારો સુધી પહોંચવા માટે તપાસને વેગ આપવામાં આવ્યો છે.