VIDEO: ઠાકોરદીપના રાજા ગણેશજીને વિદેશી ચલણ એટલે કે ડોલરનો અનોખો હાર અર્પણ કરાયો

ગણેશ ઉત્સવ દરમિયાન ૨૩ સપ્ટેમ્બરના રોજ ‘ઠાકોરદીપના રાજા’ મંડળ દ્વારા બાપ્પાને ડોલરની ચલણી નોટોમાંથી બનાવેલો અનોખો હાર અર્પણ કરવામાં આવ્યો છે. આ ગણેશ મંડળ દર વર્ષે ગણપતિ બાપ્પાને કંઈક અલગ જ પ્રકારના હાર અર્પણ કરવા માટે જાણીતું છે. વિગતો મુજબ, આ મંડળે ગત વર્ષોમાં પણ ભારતીય ચલણી નોટો, ચોકલેટ તેમજ તાજા ગુલાબના સુંદર હાર બનાવીને ગણેશજીને ચડાવ્યા હતા. આ વર્ષે ડોલરના વિશેષ હારથી સુશોભિત થયેલી વિઘ્નહર્તાની પ્રતિમાના દિવ્ય અને આકર્ષક દર્શન કરીને મોટી સંખ્યામાં દર્શનાર્થે આવતા ભક્તો ભારે પ્રભાવિત થઈ રહ્યા છે અને દર્શનનો લાભ લઈ ભાવવિભોર બની રહ્યા છે.