VIDEO: 1, 3, 5 કે 10 વર્ષ… 10 લાખ રૂપિયાનું રોકાણ ક્યા કરવું? જાણો ઇક્વિટી, હાઇબ્રિડ અને ડેટમાંથી કયો વિકલ્પ રહેશે શ્રેષ્ઠ
જો તમારી પાસે રોકાણ કરવા માટે 10 લાખ રૂપિય
જો તમારી પાસે રોકાણ કરવા માટે 10 લાખ રૂપિયા હોય, તો સૌથી પહેલાં એ નક્કી કરો કે તમને આ પૈસાની જરૂર ક્યારે પડશે. આ એક જ વાત નક્કી કરશે કે પૈસા ડેટ (Debt), હાઇબ્રિડ (Hybrid) કે ઇક્વિટી (Equity)માં કેટલા રોકવા. જો એક-બે વર્ષમાં પૈસાની જરૂર પડવાની હોય, તો સુરક્ષિત વિકલ્પો વધારે યોગ્ય રહેશે. બીજી તરફ, જો તમારું લક્ષ્ય 5 થી 10 વર્ષનું હોય, તો ઇક્વિટીમાં વધુ રોકાણ કરવું સમજુતીભર્યું ગણાશે.
રોકાણ કરતાં પહેલાં પોતાના લક્ષ્યો પણ સ્પષ્ટ રાખો. જેમ કે ઈમરજન્સી ફંડ બનાવવું, ઘર ખરીદવું, બાળકના શિક્ષણનો ખર્ચ, નિવૃત્તિ કે પછી લાંબા ગાળે સારી સંપત્તિ ઊભી કરવી. આ જ મુજબ રોકાણની વ્યૂહરચના (Strategy) બનાવવી જોઈએ.
કેટલા વર્ષ માટે રોકાણ અને ક્યાં રોકવા પૈસા?
| રોકાણનો સમયગાળો | ડેબ્ટ (Debt) | હાઇબ્રિડ (Hybrid) | ઇક્વિટી (Equity) | કયા લક્ષ્ય માટે? |
| 1 વર્ષ | 80-100% | 0-20% | 0% | ઈમરજન્સી ફંડ, વેકેશન, ટેક્સ પેમેન્ટ, નાના ખર્ચ |
| 3 વર્ષ | 30-50% | 10-30% | 0-20% | કાર ખરીદવી, ઘરનું રિનોવેશન, ડાઉન પેમેન્ટ |
| 5 વર્ષ | 10-20% | 20-30% | 50-70% | ઘરનું ડાઉન પેમેન્ટ, બાળકના શિક્ષણનો ખર્ચ, વેલ્થ ક્રિએશન |
| 10 વર્ષ | 0-10% | 0-10% | 80-100% | રિટાયરમેન્ટ, બાળકના ઉચ્ચ શિક્ષણ, લાંબા ગાળા માટે સંપત્તિ |
જો થોડું વધારે જોખમ લઈ શકો છો, તો આ વ્યૂહરચના અપનાવો
| રોકાણનો સમયગાળો | ડેટ (Debt) | હાઇબ્રિડ (Hybrid) | ઇક્વિટી (Equity) |
| 1 વર્ષ | 90% | 10% | 0% |
| 3 વર્ષ | 40% | 30% | 30% |
| 5 વર્ષ | 0% | 40% | 60% |
| 10 વર્ષ | 0% | 30% | 70% |
1 વર્ષ માટે શું પસંદ કરવું?
જો પૈસા માત્ર એક વર્ષ માટે રોકવા હોય, તો સૌથી મહત્વનું એ છે કે જરૂર પડે ત્યારે તે સરળતાથી ઉપાડી શકાય (Liquidity). આવા કિસ્સામાં ફિક્સ્ડ ડિપોઝિટ (FD), લિક્વિડ ફંડ, ઓવરનાઈટ ફંડ, અલ્ટ્રા શોર્ટ ડેટ ફંડ અને આર્બિટ્રેજ ફંડ જેવા વિકલ્પો વધુ સારા માનવામાં આવે છે.
3 વર્ષ માટે શું કરવું?
ત્રણ વર્ષના સમયગાળામાં તમે થોડું જોખમ લઈ શકો છો. જો કાર ખરીદવી હોય, ઘરનું રિનોવેશન કરાવવું હોય કે કોઈ મોટા ખર્ચની તૈયારી કરવાની હોય, તો ડેટની સાથે હાઇબ્રિડ અને થોડી ઇક્વિટી પણ પોર્ટફોલિયોમાં ઉમેરી શકાય છે.
5 વર્ષ માટે કેવી હોવી જોઈએ વ્યૂહરચના?
પાંચ વર્ષના રોકાણમાં ઇક્વિટીનો હિસ્સો વધારી શકાય છે. તેનાથી લાંબા ગાળે વધુ સારું વળતર (Return) મળવાની શક્યતા રહે છે. હાઇબ્રિડ ફંડ જોખમને સંતુલિત રાખે છે, જ્યારે ઇક્વિટી ફંડ સંપત્તિ બનાવવામાં મદદ કરે છે.
10 વર્ષ માટે સૌથી ઉત્તમ વિકલ્પ કયો?
જો તમારું લક્ષ્ય રિટાયરમેન્ટ, બાળકના ઉચ્ચ શિક્ષણનું કે લાંબા ગાળે મોટી સંપત્તિ ઊભી કરવાનું હોય, તો પોર્ટફોલિયોમાં ઇક્વિટીનો હિસ્સો સૌથી વધુ રાખી શકાય છે. જોકે, પૂરેપૂરી રકમ માત્ર ઇક્વિટીમાં રોકવાને બદલે થોડો હિસ્સો હાઇબ્રિડ ફંડમાં રાખવો વધુ યોગ્ય માનવામાં આવે છે. આનાથી શેરબજારના ઉતાર-ચઢાવ દરમિયાન જોખમ ઓછું રહે છે.
