VIDEO: દક્ષિણ લેબનોનમાં રિપોર્ટીંગ દરમિયાન એક મિસાઇલ રશિયન પત્રકાર અને તેના કેમેરામેનથી થોડેક જ દૂર પડી, બન્ને ગંભીર રીતે ઈજાગ્રસ્ત
છેલ્લું અપડેટ : 20 Mar 2026
દક્ષિણ લેબનોનમાંથી એક ભયાનક વીડિયો સામે આવ્યો છે, જેમાં એક પત્રકાર મોતથી કેટલાક સેકન્ડથી બચ્યો છે. ઇઝરાયલી હવાઈ હુમલા દરમિયાન, એક મિસાઇલ એક રશિયન પત્રકાર અને તેના કેમેરામેન - જેઓ રિપોર્ટિંગ કરી રહ્યા હતા તેમની નજીક ખતરનાક રીતે પડી હતી. આ દુર્ઘટનામાં બન્ને ઈજાગ્રસ્ત થયા હતા.
ઘટનાના વીડિયો ફૂટેજમાં આ દ્રશ્ય કેદ થયું
આ ઘટના ત્યારે બની જ્યારે સંવાદદાતા સ્ટીવ સ્વીની અને તેમના કેમેરામેન, અલી રીદા અલ-કાસમિયા, એક પુલ પાસે રિપોર્ટિંગ કરી રહ્યા હતા. આ વિસ્તાર લશ્કરી છાવણીની નજીક આવેલો હોવાનું જાણવા મળે છે. હુમલા બાદ, બંને લોકોને તાત્કાલિક હોસ્પિટલમાં લઈ જવામાં આવ્યા હતા.ઘટનાના વીડિયો ફૂટેજમાં આ દ્રશ્ય કેદ થયું છે,
સ્વીનીએ કહ્યું, "ઇઝરાયલે મને મારી નાખવાનો પ્રયાસ કર્યો
સ્વીનીએ કહ્યું, "ઇઝરાયલે મને મારી નાખવાનો પ્રયાસ કર્યો કારણ કે હું પુલોને નિશાન બનાવવા અને દસ લાખ લોકોના વિસ્થાપન અંગે રિપોર્ટિંગ કરી રહ્યો હતો. આ એક વંશીય સફાઇ કામગીરી છે જે 'નકબા' કરતા પણ મોટા પાયે કરવામાં આવી રહી છે." તેમણે વધુમાં ઉમેર્યું કે પશ્ચિમી શક્તિઓ ઇઝરાયલને હથિયાર આપીને આ નરસંહારમાં સક્રિય ભાગ લે છે, પરંતુ આવા હુમલાઓ તેમને ચૂપ નહીં કરે.
રશિયા અને ઈઝરાયલના સામસામે પ્રહાર
રશિયાના વિદેશ મંત્રાલયના પ્રવક્તા મારિયા ઝખારોવાએ આ ઘટનાની આકરી નિંદા કરી છે. તેમણે જણાવ્યું કે, 'પત્રકારો પરનો આ હુમલો કોઈ અકસ્માત નથી પરંતુ ગંભીર અપરાધ છે.' બીજી તરફ ઈઝરાયલી સૈન્યએ સ્પષ્ટતા કરી છે કે આ પુલનો ઉપયોગ હિઝબુલ્લાહ દ્વારા શસ્ત્રોની હેરાફેરી માટે કરવામાં આવતો હોવાથી તેને નિશાન બનાવાયો હતો. ઈઝરાયલે દાવો કર્યો કે કાર્યવાહી પહેલા નાગરિકોને અનેકવાર ચેતવણી આપવામાં આવી હતી અને તેઓ આંતરરાષ્ટ્રીય કાયદાનું પાલન કરે છે.
