સાપના ઝેર સામે લડવાની રોગપ્રતિકારક શક્તિ હોવાનો દાવો કરનાર પાદરીનું સાપના કરડવાથી મોત

વિશ્વમાં કેટલાક લોકો એવા છે જેઓ ડરતા નથી, ભલે તેઓ તેનો શિકાર જ કેમ ન બની જાય. જેમી કૂટ્સ નામના એક વ્યક્તિનું માનવું હતું કે સાપના કરડવાથી તેન કંઈ નહીં થાય કારણ કે તેની અંદર એની સામે લડવાની રોગપ્રતિકારક છે. ઈન્ટરનેટ પર તેની સ્ટોરની વિગતો આપતો એક વીડિયો વાયરલ થયો છે, જેણે હજારો વ્યુઝ મેળવ્યા છે. મળતી માહિતી મુજબ, અમેરિકાના કેન્ટુકીના પાદરી જેમી કૂટ્સે દાવો કર્યો હતો કે તેની અંદર સાપના કરડવા સામે લડવાની રોગપ્રતિકારક શક્તિ છે. તેના નિવેદનને સાબિત કરવા માટે, તેને એક શોમાં બોલાવવામાં આવ્યો અને કમનસીબે ત્યાં તેનું મૃત્યુ થયું. ફાઈનલ એફ્લિક્શન નામની ચેનલ દ્વારા યુટ્યુબ પર એક વીડિયો પોસ્ટ કરવામાં આવ્યો હતો.

વીડિયોમાં બતાવે છે કે, કેવી રીતે જેમી કૂટ્સ ચર્ચમાં અપમાનજનક સેવાઓ આપવાને કારણે લોકોની વચ્ચે વિવાદાસ્પદ વ્યક્તિ હતા. ક્લિપ મુજબ, તે સેવામાં એક જીવંત સાપ લાવ્યો હતો અને તેનું આ કૃત્ય નેશનલ જિયોગ્રાફિક ચેનલ દ્વારા પણ પ્રસારિત કરવામાં આવ્યું હતું. તેને અને તેના અનુયાયીઓનું માનવું હતું કે, સાપનું ઝેર તેને અસર કરી શકતું નથી, આ શક્તિ તેને ભગવાને આપી છે. 20 વર્ષમાં તેને 8 વખત સાપ કરડ્યો અને તે આ તમામ હુમલાથી બચી ગયો હતો. તેના મનપસંદ સાપ રેટલસ્નેક અને વાઇપર હતા, જેટલા વધુ ઝેરી, એટલા જ સારા. 

એક દિવસ, તે રાબેતા મુજબ પોતાની સેવા કરી રહ્યો હતો. જે રેટલસ્નેક તે સંભાળી રહ્યા હતા તેણે તેને જોરથી કરડ્યો અને થોડી જ વારમાં તેમાં નબળાઈના લક્ષણો દેખાવા લાગ્યા. તેના અનુયાયીઓએ પણ તેને 911 પર કૉલ કરવા માટે કહ્યું, પરંતુ તેણે ના પાડી દીધી. તે ખુદ કાર ચલાવીને ઘરે જતો રહ્યો, તેણે કહ્યું કે તે સોફા પર આરામ કરતા-કરતા પ્રાર્થના કરશે. તેના ઇન્કાર કરવા છતાં અનુયાયીઓએ પેરામેડિક્સનો સંપર્ક કર્યો અને તેઓએ જેમીને બોલાવ્યા. જેમીએ ફરીથી સારવારનો ઇન્કાર કર્યો, પરંતુ કૉલ દરમિયાન તેઓએ તેનો ધીમો અવાજ સાંભળ્યો તેથી તેઓ તેના ઘરે ગયા. તેઓએ તેને બેભાન અવસ્થામાં જોયો. મેડિકલની ટીમે તેને સીપીઆર આપ્યું. ત્યારબાદ, તેને હોસ્પિટલ લઈ જવામાં આવ્યો, જ્યાં તેને મૃત જાહેર કરી દેવામાં આવ્યો.

આ વીડિયો પર નેટીઝન્સે પ્રતિક્રિયા આપી હતી. પહેલા યુઝરે લખ્યું કે, "ઝેરી સાપને ઉશ્કેરવું ખોટું સાબિત થઈ શકે છે." અન્ય યુઝરે લખ્યું, "મૂર્ખ રમતો રમો, મૂર્ખ ઈનામો જીતો, માત્ર હસવા માટે મને લાગે છે." તો ત્રીજા યુઝરે લખ્યું "સાપ સાથે ક્યારેય રમત ન કરાય,".