VIDEO:વૈશ્વિક બજારમાં 'એઆઈ સુનામી'ની તૈયારીઓ

વૈશ્વિક ટેકનોલોજી સેક્ટરમાં આર્ટિફિશિયલ ઈન્ટેલિજન્સ નો મોટો જુવાળ આવી રહ્યો છે. ઓપનએઆઈ, એન્થ્રોપિક અને સ્પેસએક્સ જેવી અગ્રણી વૈશ્વિક કંપનીઓ આગામી સમયમાં સંયુક્ત રીતે આશરે રૂપિયા ૬ લાખ કરોડનું નવું મૂડી રોકાણ મેળવે તેવી પ્રબળ શક્યતાઓ સેવાઈ રહી છે. આ તમામ ફંડિંગ આઈપીઓ અને નવા રાઉન્ડ્સ દ્વારા એકત્ર કરવામાં આવશે, જે સમગ્ર એઆઈ ઈકોસિસ્ટમમાં નવી ઉર્જાનો સંચાર કરશે. નિષ્ણાતોના મતે, આ જંગી રકમનો ઉપયોગ માત્ર એઆઈ મોડલ્સ વિકસાવવા માટે જ નહીં, પરંતુ મોટા ડેટા સેન્ટર્સ, ક્લાઉડ ઈન્ફ્રાસ્ટ્રક્ચર, નેટવર્કિંગ ઈન્સ્ટ્રુમેન્ટ્સ અને આધુનિક ચિપ્સના ડેવલપમેન્ટ માટે કરવામાં આવશે. હાલમાં એનવીડિયા, માઈક્રોસોફ્ટ અને મેટા જેવી દિગ્ગજ કંપનીઓ પણ આ ક્ષેત્રે અબજો ડોલરનો ખર્ચ કરી રહી છે, જે ભવિષ્યમાં કમ્પ્યુટિંગ ક્ષમતાની વધતી માંગને પહોંચી વળવા માટે અત્યંત જરૂરી છે.