Morocco news: મોરોક્કોના બીજા મોટા શહેરમાં પત્તાના મહેલની જેમ ઈમારત ધરાશાયી, 19 લોકોનાં મોત
છેલ્લું અપડેટ : 10 Dec 2025
Morocco news: ઉત્તર આફ્રિકામાં આવેલા સ્વતંત્ર એવા મોરોક્કો દેશના સૌથી મોટા શહેર ફેસમાં બુધવારે પરોઢિયે ચાર માળની બે ઈમારત અચાનક ધરાશાયી થઈ હતી. આ દુર્ઘટનામાં 19 લોકોનાં મોત થયા હતા. આ વર્ષે શહેરમાં આ બીજી દુર્ઘટના સર્જાઈ હતી. આ બંને રહેણાક ઈમારાતમાં આઠ પરિવાર રહેતા હતા. આ ઘટનામાં 16 લોકો ઈજાગ્રસ્ત થયા હતા. તેઓને નજીકની હોસ્પિટલમાં સારવાર માટે ખસેડવામાં આવ્યા છે.
અકસ્માત બાદ શેરીને ખાલી કરાવાઈ
મળતી માહિતી અનુસાર, ઈમારાત ધરાશાયી થયા બાદ આખા મહોલ્લાને ખાલી કરાવ્યો હતો. બચાવ અને શોધખોળ અભિયાન યથાવત્ છે. બુધવાર સવાર સુધી આ સ્પષ્ટ નથી થઈ શક્યું કે, આ ઈમારત શા માટે પડી અને કેટલા લોકો હજી ગુમ છે. ફેસ મોરોક્કો દેશનું બીજા નંબરનું સૌથી મોટું શહેર અને આ મહિના થનારા આફ્રિકા કપ ઑફ નેશંસ તેમજ 2030 ફીફા વિશ્વ કપના આયોજન સ્થળોમાંનું એક છે.
ફેસ શહેર શા માટે જાણીતું બન્યું છે
આ શહેર પોતાની મધ્યકાલીન દીવાલો ધરાવતું જૂનું શહેર, બજાર અને ચામડાની રંગકામની દુકાનો માટે વિશ્વ પ્રસિદ્ધ છે. પરંતુ પર્યટન સિવાય આ દેશના સૌથી ગરીબ શહેર કેન્દ્રોમાંથી એકપણ છે, જ્યાંની ઘણી શેરીઓમાં જૂની અને જર્જરિત પાયાના માળખા સામાન્ય છે. મળતી માહિતી અનુસાર, આ વર્ષે મે મહિનામાં પણ એક ઈમારત ધરાશાયી થવાથી 10 લોકોનાં મોત થયા અને 7 ઈજાગ્રસ્ત થયા હતા. આ ઈમારત પહેલાથી ખાલી કરવાની સૂચના અપાઈ હતી.
મોરોક્કો દેશમાં વિશેષ કરીને પ્રાચીન શહેરોમાં મકાન નિર્માણ નિયમોનું પાલન ઘણીવાર નથી થતું. જૂની બહુમાળી મકાનો સામાન્ય છે. આ વર્ષે આ દેશમાં થયેલા મોટા પ્રદર્શનોમાં પાયાની સેવાઓની અછત મુખ્ય મુદ્દાઓ રહ્યા હતા. પ્રદર્શનકારીઓએ સરકાર પર નવા સ્ટેડિયમ બનાવવામાં રોકાણ કરવા કરતાં આરોગ્ય, શિક્ષણ અને જાહેર સેવાઓમાં અસમાનતા દૂર કરવાનો આરોપ મૂક્યો હતો.
