ખાલિસ્તાની પન્નુએ VIDEO જાહેર કરીને ઓકયું ઝેર; ભારતના ટુકડા કરવાની આપી ધમકી

ખાલિસ્તાની સંગઠન શીખ ફોર જસ્ટિસના આતંકવાદી ગુરપતવંત સિંહ પૂન્નુએ એક VIDEO જાહેર કરીને ભારત વિરુદ્ધ ઝેર ઓક્યું છે. દેશની એકતા વિરુદ્ધ નિવેદન આપતા તેમણે કહ્યું કે પંજાબ સિવાય અન્ય રાજ્યોમાં પણ આંદોલન ચલાવવામાં આવશે. અહેવાલ અનુસાર, પન્નુએ કહ્યું કે SJFનું મિશન 2024માં વન ઈન્ડિયાને 2047 સુધીમાં નોન ઈન્ડિયા બનાવવાનું છે. ખાલિસ્તાનીએ આ વીડિયો કેનેડાના વિદેશ મંત્રી ડેવિડ મોરિસનના લેટેસ્ટ નિવેદન બાદ જાહેર કર્યો છે. મોરિસને તાજેતરમાં કહ્યું હતું કે, 'કેનેડાની નીતિ ખૂબ જ સ્પષ્ટ છે. ભારતની પ્રાદેશિક અખંડિતતાનું સન્માન કરવું જોઈએ. ભારત એક છે અને આ સંપૂર્ણ રીતે સ્પષ્ટ થઈ ગયું છે.

SJF પંજાબથી અલગ ખાલિસ્તાન રાજ્ય બનાવવાની માંગ કરી રહી છે અને આ અંગે વૈશ્વિક જનમતની તૈયારીમાં વ્યસ્ત છે. જો કે, પંજાબમાં ભાગ્યે જ કોઈ પન્નુની આ માંગનું સમર્થન કરે છે. એવું જાણવા મળે છે કે ગુરપતવંત સિંહ પન્નુ અમેરિકાના ન્યૂયોર્કમાં રહે છે અને કાયદાનો અભ્યાસ કરે છે. તેના વીડિયોમાં તેણે જમ્મુ અને કાશ્મીર, આસામ, મણિપુર અને નાગાલેન્ડમાં સંપૂર્ણ સ્વતંત્રતા ચળવળ શરૂ કરવાની ધમકી આપી હતી; જેમ કે પંજાબમાં કરવાના પ્રયાસો થઈ રહ્યા છે.

ચીને હવે અરુણાચલ પાછું લઈ લેવું જોઈએ, પન્નુની અરજી

ખાલિસ્તાની પન્નુએ તેના VIDEOમાં ચીનના રાષ્ટ્રપતિ શી જિનપિંગને પણ અપીલ કરી હતી. તેમણે કહ્યું કે જિનપિંગે તેમની સેનાને આદેશ આપવો જોઈએ અને આ અરુણાચલ પ્રદેશને પરત લેવાનો સમય છે. તેણે એવો ખોટો દાવો પણ કર્યો હતો કે અરુણાચલ ચીનની સરહદનો ભાગ છે. પન્નુએ જણાવ્યું હતું કે SJF કેનેડિયન અને યુએસ નિયમો દ્વારા પૂરી પાડવામાં આવેલ સુરક્ષાનો આનંદ માણવાનું ચાલુ રાખશે. તેણે કહ્યું કે ભારતની સાર્વભૌમત્વને નષ્ટ કરવાના પ્રયાસો ચાલુ રહેશે. ખાલિસ્તાની આતંકવાદીએ જે જગ્યાએ આ VIDEO રેકોર્ડ કર્યો તેની પાછળ એક પોસ્ટર હતું જેમાં લખ્યું હતું - '2047 નો ઈન્ડિયા'.