શું Us રાષ્ટ્રપતિ ટ્રમ્પ ઈરાન પર હુમલો કરવા અંગે મૂંઝવણમાં છે? એટેકના આદેશ અંગેનો નિર્ણય બે અઠવાડિયા માટે મુલતવી રાખ્યો
છેલ્લું અપડેટ : 20 Jun 2025
ઈરાન અને ઈઝરાયલ વચ્ચે ચાલી રહેલા સંઘર્ષ વચ્ચે, અમેરિકાની ભૂમિકા અંગે એક મોટો સંકેત મળ્યો છે. વ્હાઇટ હાઉસે ગુરુવારે જણાવ્યું હતું કે, રાષ્ટ્રપતિ ડોનાલ્ડ ટ્રમ્પ આગામી બે અઠવાડિયામાં નિર્ણય લેશે કે અમેરિકાએ ઈરાન સામે લશ્કરી કાર્યવાહી કરવી જોઈએ કે નહીં.
'જો રાજદ્વારીની શક્યતા હશે તો રાષ્ટ્રપતિ ચોક્કસપણે તેને અપનાવશે'
લેવિટે વધુમાં કહ્યું કે ટ્રમ્પ હંમેશા રાજદ્વારી ઉકેલના પક્ષમાં છે. તેમણે કહ્યું, "તેઓ શાંતિના સમર્થક છે. તેઓ 'શક્તિ દ્વારા શાંતિ' ના સિદ્ધાંતમાં માને છે. જો રાજદ્વારીની શક્યતા હશે તો રાષ્ટ્રપતિ ચોક્કસપણે તેને અપનાવશે." જોકે, તેમણે એમ પણ કહ્યું, "પરંતુ જો તાકાત બતાવવાની જરૂર પડશે, તો તે તેનાથી પાછળ હટશે નહીં.
રાષ્ટ્રપતિ ટ્રમ્પે ઈરાન પર હુમલો કરવાની યોજનાને સમર્થન આપ્યું
આ નિવેદન એવા સમયે આવ્યું છે જ્યારે વોલ સ્ટ્રીટ જર્નલમાં પ્રકાશિત થયેલા એક અહેવાલમાં કહેવામાં આવ્યું છે કે રાષ્ટ્રપતિ ટ્રમ્પે ઈરાન પર હુમલો કરવાની યોજનાને સમર્થન આપ્યું છે, પરંતુ તેમણે હજુ સુધી અંતિમ આદેશ આપ્યો નથી.
તેઓ જોવા માંગે છે કે ઈરાન પોતાનો પરમાણુ કાર્યક્રમ બંધ કરે છે કે નહીં. ડોનાલ્ડ ટ્રમ્પે મીડિયાને શું કહ્યું? અગાઉ, ટ્રમ્પે પત્રકારોને કહ્યું હતું કે, "હું હુમલો કરીશ, અને હું હુમલો નહીં કરું. આગામી અઠવાડિયું ખૂબ જ મહત્વપૂર્ણ રહેશે, કદાચ તેના કરતા પણ ઓછા સમયમાં નિર્ણય લેવામાં આવશે." ગુરુવારે, ઇઝરાયલે ઈરાનના પરમાણુ સંબંધિત સ્થળો પર હવાઈ હુમલો કર્યો, જેના જવાબમાં ઈરાને મિસાઇલો અને ડ્રોન છોડ્યા. આમાંથી એકે દક્ષિણ ઇઝરાયલના બીયર શેવામાં સોરોકા મેડિકલ સેન્ટરને નુકસાન પહોંચાડ્યું.
