Iran Us War news: ટ્રમ્પની ધમકીઓ વચ્ચે ઈરાનનો કુવૈત એરબેઝ પર ઘાતક હુમલો, 15 અમેરિકન સૈનિકો ઈજાગ્રસ્ત

 ઈરાને કુવૈતના અલી અલ સાલેમ એરબેઝ પર રાત્રે ડ્રોન હુમલો કર્યો હતો. મળતા અહેવાલ પ્રમાણે આ હુમલામાં 15 અમેરિકનો ઘાયલ થયા છે.  બે અમેરિકી અધિકારીઓએ અહેવાલ આપ્યો છે કે મોટાભાગના ઘાયલ કર્મચારીઓ ફરજ પર પાછા ફર્યા છે. યુએસ સેન્ટ્રલ કમાન્ડ દ્વારા જાહેર કરવામાં આવ્યું હતું કે ઈરાન સાથે સંકળાયેલા ચાલુ ઓપરેશન દરમિયાન 373 અમેરિકન સૈનિકો ઘાયલ થયા છે, ત્યારબાદ આ માહિતી સામે આવી છે.

ઈરાની સૈન્યનું કહેવું છે કે ટ્રમ્પની ભ્રામક ધમકીઓ અમેરિકાના અપમાન અને બદનામની ભરપાઈ કરી શકશે નહીં. ઈરાનના ટોચના સંયુક્ત લશ્કરી કમાન્ડના પ્રવક્તાએ ટ્રમ્પની ધમકીઓને ભ્રામક ગણાવી. કુવૈતના અલી અલ સલેમ એરબેઝ પર ઈરાની ડ્રોન હુમલામાં 15 અમેરિકનો ઘાયલ થયા હતા.

વ્હાઇટ હાઉસે સોમવારે ચેતવણી આપી હતી કે જો ઈરાન રાષ્ટ્રપતિ ડોનાલ્ડ ટ્રમ્પની મંગળવારની સમયમર્યાદા પહેલાં ગંભીરતાથી વાટાઘાટોમાં જોડાશે નહીં, તો તેને વિનાશક લશ્કરી કાર્યવાહીનો સામનો કરવો પડશે. એક નિવેદનમાં, વ્હાઇટ હાઉસે કહ્યું, જો ઈરાન ગંભીરતાથી વાટાઘાટોમાં જોડાશે નહીં, તો તેને કાલે રાત સુધીમાં પથ્થર યુગમાં પાછું મોકલી દેવામાં આવશે.