Video: અમેરિકી શેરબજારમાં ગુરુવારે ઐતિહાસિક કડાકો: નાસ્ડેક 5.5% તૂટ્યો, AI કંપનીઓના ₹236 લાખ કરોડનું ધોવાણ

અમેરિકી મિડટર્મ ચૂંટણીમાં ડેમોક્રેટિક પાર્ટીની જીત બાદ અમેરિકી શેરબજારમાં ગુરુવારે ઐતિહાસિક કડાકો બોલાઈ ગયો છે, જેમાં નાસ્ડેક-100ની ટેક કંપનીઓના બજાર મૂલ્યમાંથી માત્ર એક જ દિવસમાં 2.5 ટ્રિલિયન ડોલર એટલે કે આશરે 236 લાખ કરોડ રૂપિયા ધોવાઈ ગયા છે. નવી સરકાર દ્વારા AI સિસ્ટમ્સ અને ડેટા સેન્ટર્સના નિર્માણ પર કડક નિયમો લાગુ થવાની આશંકાથી રોકાણકારોમાં ભારે ચિંતા વ્યાપી ગઈ છે, જેના પરિણામે નાસ્ડેક કમ્પોઝિટમાં 5.5 ટકાનો અને ચિપ નિર્માતા કંપનીઓના ઈન્ડેક્સમાં 12 ટકાનો ભારે ઘટાડો નોંધાયો છે. ઊંચા વ્યાજ દરો અને નવા નિયમનોના ભયથી નાસ્ડેક હવે તેના ઓક્ટોબરના રેકોર્ડ સ્તરથી 12 ટકા નીચે સરકીને 'કરેક્શન' મોડમાં આવી ગયો છે. બજારની આ ઉથલપાથલ પર રાષ્ટ્રપ્રમુખ ડોનાલ્ડ ટ્રમ્પે ડેમોક્રેટ્સને જવાબદાર ગણાવીને દાવો કર્યો છે કે ચૂંટણી પરિણામોને કારણે લોકોના રિટાયરમેન્ટ ફંડ પર માઠી અસર પડી છે. જોકે તેમણે વિશ્વાસ વ્યક્ત કર્યો છે કે અમેરિકી અર્થતંત્ર ટૂંક સમયમાં જ આ આંચકામાંથી બહાર આવીને ફરીથી મજબૂત સ્થિતિ પ્રાપ્ત કરી લેશે.