US news/ VIDEO: ન્યુયોર્કની હડસન નદીમાં હેલિકોપ્ટર ક્રેશ, પાઇલટ સહિત 6 લોકોના મોત

ગુરુવારે અમેરિકાના મેનહટનમાં હડસન નદીમાં એક હેલિકોપ્ટર ક્રેશ થયું હતું, જેમાં સવાર તમામ છ લોકોના મોત થયા હતા. સ્થાનિક મીડિયાએ અધિકારીઓને ટાંકીને અહેવાલ આપ્યો છે કે આ અકસ્માત લોઅર મેનહટન અને જર્સી સિટી વચ્ચે થયો હતો. ન્યૂ યોર્ક પોલીસ વિભાગ (NYPD) એ X પ્લેટફોર્મ પર હેલિકોપ્ટર દુર્ઘટનાની પોસ્ટ કરી હતી. 

કેવી રીતે સર્જાઈ દુર્ઘટના 

ન્યૂયોર્કમાં ટૂર માટે ઓપરેટ કરવામાં આવતા આ હેલિકોપ્ટર્સે 2:59 વાગ્યે બપોરે ઉડાન ભરી હતી અને પછી અચાનક બેકાબૂ થઈ ગયું હતું. બપોરે લગભગ 15 મિનિટ બાદના સમયગાળામાં જ નજીકમાં આવેલી નદીમાં આ હેલિકોપ્ટર તૂટી પડ્યાની માહિતી મળી હતી અને તેમાં સવાર લોકો નદીમાં જ ડૂબી ગયા હતા.  

એક જ પરિવારના 6 સભ્યોના મોત

મીડિયા રિપોર્ટ્સ અનુસાર, હેલિકોપ્ટરમાં પાઇલટ અને સ્પેનિશ પરિવારના પાંચ સભ્યો સવાર હતા. ફ્લાઇટરેડાર ગ્રાફ દર્શાવે છે કે વિમાન ક્રેશ થયા પહેલા લગભગ 15 મિનિટ સુધી હવામાં હતું, તે દરમિયાન અચાનક પાયલટે હેલિકોપ્ટરે નિયંત્રણ ગુમાવ્યું અને હડસન નદીમાં ખાબક્યું હતું.

હડસન નદી પર આવી ઘટનાઓ પહેલા પણ બની 

 2009માં એક વિમાન અને હેલિકોપ્ટરની ટક્કર થઈ હતી અને તેનો કાટમાળ નદીમાં પડ્યો હતો. આ અકસ્માતમાં નવ લોકોના મોત થયા હતા. 2018માં, 'ઓપન ડોર' ફ્લાઇટ્સ ઓફર કરતા ચાર્ટર હેલિકોપ્ટરના ક્રેશમાં ઓછામાં ઓછા પાંચ લોકો માર્યા ગયા હતા. 2009થી હડસનમાં હેલિકોપ્ટર અકસ્માતોમાં કુલ ૨૦ લોકોના મોત થયા છે.

ઘટનાની તપાસ શરૂ

પોલીસ કમિશનર તિશે જણાવ્યું હતું કે અકસ્માતના કારણની તપાસ કરવામાં આવી રહી છે. આજે બપોરે હેલિકોપ્ટર ઉડાન ભરીને દક્ષિણ તરફ ગયું અને પછી હડસન નદી ઉપર ઉત્તર તરફ ગયું અને પછી ન્યુ જર્સીના કિનારા પર દક્ષિણ તરફ પાછું ફર્યું, જ્યાં તે ક્રેશ થયું. કમિશનર ટિશે જણાવ્યું હતું કે મોટાભાગના મુસાફરોને પાણીમાંથી બહાર કાઢવામાં આવ્યા ત્યારે તેઓ મૃત્યુ પામ્યા હતા. મેનહટનની પેલે પાર હડસન નદીના પશ્ચિમ કિનારે આવેલા જર્સી સિટીમાં ઇમરજન્સી મેનેજમેન્ટ ઓફિસે અકસ્માતની તપાસ શરૂ કરી છે.