Video: ઈજિપ્તના કૈરો ખાતે કેન્દ્રીય મંત્રી પીયૂષ ગોયલે મંત્રી કામેલ અલ-વઝીર સાથે યોજી દ્વિપક્ષીય બેઠક

કૈરોમાં યોજાયેલી આ ઉચ્ચ સ્તરીય દ્વિપક્ષીય બેઠકમાં કેન્દ્રીય મંત્રી પીયૂષ ગોયલ અને ઈજિપ્તના મંત્રી કામેલ અલ-વઝીરે દ્વિપક્ષીય વેપાર અને રોકાણની નવી તકો પર ભાર મૂક્યો હતો. બંને નેતાઓએ ખાસ કરીને પરિવહન, માળખાગત સુવિધાઓ અને ઔદ્યોગિક વિકાસના ક્ષેત્રોમાં પરસ્પર સહયોગ વધારવા માટેના રોડમેપ અંગે વિચાર-વિમર્શ કર્યો હતો. આ બેઠક દ્વારા ભારત અને ઈજિપ્ત વચ્ચેના આર્થિક સંબંધોને નવી ઊંચાઈએ લઈ જવા અને બંને દેશોના ઉદ્યોગો વચ્ચે જોડાણ વધારવાની પ્રતિબદ્ધતા વ્યક્ત કરવામાં આવી હતી.