VIDEO: આર-પારના મૂડમાં અમેરિકા? ઈરાનમાં ઘૂસીને એરપોર્ટ અને રેલવે સ્ટેશન કર્યા તબાહ
છેલ્લું અપડેટ : 17 Jul 2026
અમેરિકા અને ઈરાન વચ્ચેનો લશ્કરી સંઘર્ષ (Military Conflict) હવે અત્યંત ભયાનક સ્તરે પહોંચી ગયો છે. અમેરિકાએ સતત છઠ્ઠા દિવસે પણ ઈરાન પર પોતાના હુમલા તેજ રાખ્યા છે. ગુરુવારે રાત્રે અમેરિકાએ દક્ષિણ ઈરાનના પ્રાંતોમાં આવેલા ઈન્ફ્રાસ્ટ્રક્ચરને (Infrastructure) નિશાન બનાવીને ભારે તબાહી મચાવી છે.
એરપોર્ટ અને રેલવે સ્ટેશન પર મિસાઈલ એટેક
ઈરાનના સરકારી મીડિયાના અહેવાલો અનુસાર, અમેરિકી લડાયક વિમાનોએ (US Fighter Jets) દક્ષિણ ઈરાનના ઈરાનશહર એરપોર્ટ (Iranshahr Airport) નજીક જોરદાર મિસાઈલ હુમલા (Id મિસાઈલ એટેક) કર્યા છે, જેના કારણે એરપોર્ટને મોટું નુકસાન થયું છે. આ ઉપરાંત, ઈરાનના મહત્વના પોર્ટ સિટી (Port City) બંદર અબ્બાસમાં આવેલા રેલવે સ્ટેશનને પણ નિશાન બનાવવામાં આવ્યું છે.
હોર્મુઝગૈન પ્રાંતમાં બંદર ખામીર પાસે આવેલા બે મોટા પુલ (Bridges) પણ અમેરિકી હુમલામાં ધ્વસ્ત થઈ ગયા છે, જેમાં બે લોકોના મોત અને ચાર લોકો ઘાયલ થયા હોવાના અહેવાલ છે. આ હુમલા બાદ બંદર અબ્બાસને જોડતા મહત્વના હાઈવે અને રસ્તાઓ બંધ કરી દેવાયા છે. દક્ષિણ ઈરાનના કેશ્મ આઈલેન્ડ (Qeshm Island) પર પણ હુમલા કરાયા છે. બંદર અબ્બાસમાં એક મોબાઈલ ટાવર તોડી પડાતા સમગ્ર વિસ્તારમાં ટેલિકોમ સેવાઓ (Telecom Services) ખોરવાઈ ગઈ છે.
ઈરાને અમેરિકી સૈન્ય મથકોને બનાવ્યા નિશાન
આ અગાઉ ઈરાને પણ વળતો પ્રહાર કરતા બહેરીન, જોર્ડન અને કુવૈત જેવા પાડોશી દેશોમાં આવેલા અમેરિકી સૈન્ય મથકોને (US Military Bases) નિશાન બનાવ્યા હતા. જોકે, અમેરિકી સેન્ટ્રલ કમાન્ડે (US Central Command) દાવો કર્યો છે કે આ તાજેતરના હુમલાઓ બાદ ઈરાનની કમર તૂટી ગઈ છે અને તેની સૈન્ય ક્ષમતા નબળી પડી છે.
ડોનાલ્ડ ટ્રમ્પની ખુલ્લી ધમકી
અમેરિકી રાષ્ટ્રપતિ ડોનાલ્ડ ટ્રમ્પે (US President Donald Trump) ઈરાનને ખુલ્લી ધમકી આપતા જણાવ્યું હતું કે, જો હોર્મુઝ સ્ટ્રેટને (Strait of Hormuz) તમામ દેશોના વાણિજ્યિક જહાજો માટે સંપૂર્ણપણે ખુલ્લો કરવામાં નહીં આવે, તો ઈરાનના ઈન્ફ્રાસ્ટ્રક્ચર પર હુમલા ચાલુ રહેશે. ટ્રમ્પે સ્પષ્ટ કર્યું છે કે ઈરાને પરમાણુ અને અન્ય મુદ્દાઓ પર ફરીથી વાતચીતની ટેબલ (Negotiation Table) પર આવવું જ પડશે. ફોક્સ ન્યૂઝ (Fox News) સાથેની વાતચીતમાં પણ અમેરિકાએ સંકેત આપ્યા હતા કે જ્યાં સુધી ઈરાન વાતચીત માટે તૈયાર નહીં થાય ત્યાં સુધી હુમલા રોકવામાં નહીં આવે.
ટ્રમ્પે આગામી સપ્તાહમાં ઈરાનના પાવર પ્લાન્ટ્સ (Power Plants) અને બાકી બચેલા પુલોને સંપૂર્ણપણે ધ્વસ્ત કરવાની ચેતવણી આપી છે.
ખાડી દેશોમાં ભારે હડકંપ અને એલર્ટ
અમેરિકા અને ઈરાન વચ્ચેના આ સીધા યુદ્ધને કારણે સમગ્ર ખાડી દેશોમાં (Gulf Countries) તણાવ અને ભયનો માહોલ છે. કુવૈતે પોતાના એરસ્પેસમાં (Airspace) ઓછામાં ઓછા 32 શંકાસ્પદ ડ્રોન (Drones) ટ્રેક કર્યા છે, જેના કારણે સુરક્ષા એજન્સીઓ સતર્ક થઈ ગઈ છે. બીજી તરફ, ઇરાકમાં રહેતા અમેરિકન નાગરિકોને (US Citizens) પણ વ્હાઇટ હાઉસ દ્વારા અત્યંત સાવધ (Alert) રહેવાની સૂચના આપવામાં આવી છે.