VIDEO:ANDAR NI VAAT /રાજૌરી: કોટલી-મંજકોટ પાસે નેશનલ હાઈવે પર ભયાનક ભૂસ્ખલન; વાહનવ્યવહાર ઠપ્પ, BRO દ્વારા કાટમાળ હટાવવાની કામગીરી શરૂ..
છેલ્લું અપડેટ : 13 Jun 2026
જમ્મુ-કાશ્મીરના રાજૌરીમાં કોટલી-મંજકોટ સેક્ટર નજીક નેશનલ હાઈવે પર મોટો લેન્ડસ્લાઈડ થયો છે.. પહાડ ધસી પડવાના કારણે વાહનવ્યવહાર ભારે પ્રભાવિત થયો છે.. બીઆરઓના જવાનો દ્વારા હાઈવે પરથી કાટમાળ હટાવવાની કામગીરી અને કોઈપણ જાનહાનિ વિના ટળેલા આ મોટા સંકટ અંગે જુઓ અમારો આ ખાસ અહેવાલ..
જમ્મુ-કાશ્મીરના રાજૌરી જિલ્લામાં એક મોટી કુદરતી આફત સામે આવી છે, જ્યાં કોટલી-મંજકોટ સેક્ટર નજીક નેશનલ હાઈવે-144એ ના ગ્રીનફિલ્ડ એલાઈનમેન્ટ પર ભયાનક લેન્ડસ્લાઈડ થવાની ઘટના ઘટી છે.. પહાડનો એક મોટો હિસ્સો ધસી પડવાને કારણે હાઈવે પર કલાકો સુધી ટ્રાફિક વ્યવસ્થા સંપૂર્ણપણે ઠપ્પ થઈ ગઈ હતી. પહાડો પરથી મોટા પથ્થરો અને માટીનો કાટમાળ રસ્તા પર સરકતો સ્પષ્ટ જોઈ શકાય છે. રાહતની વાત એ છે કે આ અકસ્માત સમયે ત્યાંથી કોઈ વાહન પસાર ન થઈ રહ્યું હોવાથી કોઈ જાનહાનિ કે ઈજાના અહેવાલ નથી..
આ ભૂસ્ખલનની ઘટના પાછળની અંદરની વાત એ છે કે, આંતરિક પહાડી વિસ્તારોમાં નબળી ભૌગોલિક સ્થિતિ અને ચોમાસાના પ્રારંભિક દબાણને કારણે પહાડો ધસી રહ્યા છે.. ગ્રીનફિલ્ડ હાઈવેના કટિંગ દરમિયાન વૈજ્ઞાનિક પદ્ધતિઓ અને આંતરિક સુરક્ષા દિવાલોની ક્યાંક ઉપેક્ષા કરવામાં આવી છે, જેના લીધે સામાન્ય વરસાદમાં પણ આ માર્ગ જોખમી બની જાય છે. ઘટનાના તુરંત બાદ બીઆરઓ ની ટીમોએ ભારે મશીનરી અને જેસીબી સાથે મોરચો સંભાળી લીધો હતો અને યુદ્ધના ધોરણે કાટમાળ હટાવીને રાષ્ટ્રીય ધોરીમાર્ગને ફરીથી કાર્યરત કરવાના આકરા પ્રયાસો શરૂ કરી દીધા છે..
