VIDEO / શ્રીદેવીની જેમ સાડી પહેરીને પહાડો પર ડાન્સ કરવા માંગતી હતી મહિલા, વર્ષો બાદ પૂરું થયું સપનું
બોલિવૂડની ફિલ્મોએ ભારતના લોકોને સપના જોતા શીખવ્યું છે. જીવનને સારી રીતે જીવવાનું શીખવ્યું છે. આજે
બોલિવૂડની ફિલ્મોએ ભારતના લોકોને સપના જોતા શીખવ્યું છે. જીવનને સારી રીતે જીવવાનું શીખવ્યું છે. આજે ભારતનો દરેક યુવક ઈચ્છે છે કે તેનું જીવન બોલિવૂડની ફિલ્મો અને તેના હીરો-હીરોઈન જેવું બને. સમય ભલે બદલાયો હોય પરંતુ આજે પણ બોલિવૂડ ફિલ્મોનો ક્રેઝ ખતમ નથી થયો. હવે યશ ચોપરાની ફિલ્મ ચાંદનીને જ લઈ લો. આ ફિલ્મમાં શ્રીદેવી લીડ રોલમાં હતી. ફિલ્મમાં તે શિફોન સાડી પહેરીને પહાડો પર ડાન્સ કરતી જોવા મળી હતી. વાસ્તવિક જીવનમાં આ દ્રશ્ય જીવવું એ હજી પણ ઘણી છોકરીઓનું સ્વપ્ન છે. અગાઉ પણ છોકરીઓ પહાડ પર શ્રીદેવીની જેમ ડાન્સ કરવાનું સપનું જોતી હતી.
પહાડો પર ડાન્સ કર્યો
આ મહિલાનું પણ એ જ સપનું હતું કે કોઈ દિવસ તે ખીણોની વચ્ચે પહાડો પર શ્રીદેવીની જેમ ડાન્સ કરશે. મહિલાએ વર્ષો પછી પોતાનું સપનું પૂરું કર્યું. જેનો વીડિયો સોશિયલ મીડિયા પર વાયરલ થઈ રહ્યો છે. વાયરલ થઈ રહેલા વીડિયોમાં જોઈ શકાય છે કે મહિલા લાલ રંગની સાડી પહેરીને મનાલીના પહાડો પર શ્રીદેવી અને ઋષિ કપૂરની ક્લાસિક ફિલ્મ 'ચાંદની'ના પ્રખ્યાત ગીત 'તેરે મેરે હોતો પર' પર ડાન્સ કરતા જોવા મળે છે. વીડિયોમાં મહિલાની ખુશી જોઈને એવું લાગે છે કે કોઈ છોકરી વર્ષો પછી પોતાની યુવાનીના દિવસોને ફરી જીવી રહી છે.
લોકોએ વીડિયો પર કોમેન્ટ કરી
આ વીડિયો તેના પુત્ર અવી વાડેકરે તેના ઇન્સ્ટાગ્રામ હેન્ડલ પરથી શેર કર્યો છે. મહિલાના દીકરાએ વીડિયોમાં લખ્યું છે- 'મારી માતાનું 40 વર્ષ જૂનું બોલિવૂડનું સપનું.' સાથે જ કેપ્શનમાં લખ્યું છે કે- 'ઉંમર માત્ર એક સંખ્યા છે, વ્યક્તિએ પોતાના સપના પૂરા કરવા માટે હંમેશા આગળ વધતા રહેવું જોઈએ.' અત્યાર લાખો લોકો આ વીડિયો જોઈ ચૂક્યા છે. આ વીડિયોને 1 લાખ કરતા વધુ લાઈક પણ મળી છે. જ્યારે ઘણા લોકો આ વીડિયો પર ખૂબ જ સુંદર કોમેન્ટ કરી રહ્યા છે. એક વ્યક્તિએ લખ્યું છે કે, 'મારે પણ મારી માતા સાથે આવો વીડિયો બનાવવો છે, તમે મારું સપનું જીવી રહ્યા છો.', અન્ય એક વ્યક્તિએ લખ્યું છે, 'તેઓ ખૂબ જ ખુશ છે ને તેમને જોઈને મને ખુશી થઈ રહી છે.'
