VIDEO: પુતળાની જગ્યાએ છોકરીને જ કપડાં પહેરાવી મૂકી દીધી ડિસ્પ્લેમાં, કપડાં પણ એવા કે..
સમગ્ર વિશ્વમાં માર્કેટિંગ માટે વિવિધ પદ્ધતિઓ અપનાવવામાં આવી રહી છે. જેમાંથી કેટ
સમગ્ર વિશ્વમાં માર્કેટિંગ માટે વિવિધ પદ્ધતિઓ અપનાવવામાં આવી રહી છે. જેમાંથી કેટલાક લોકો અમાનવીય પગલાં પણ ભરતા જોવા મળે છે. હાલમાં એક વીડિયો વાયરલ થઈ રહ્યો છે. કહેવામાં આવી રહ્યું છે કે તે દુબઈનો છે. વીડિયોમાં તમે જોઈ શકો છો કે કપડાની દુકાનમાં એક છોકરીને સ્ટેચ્યુની જેમ ડિસ્પ્લે એરિયામાં ઊભી કરવામાં આવી છે. સોશિયલ મીડિયા યુઝર્સ આને અમાનવીય ગણાવી રહ્યા છે. આ સ્ટોર એક મોલની અંદર આવેલો છે. આની ટીકા કરતા યુઝર્સ કહે છે કે આ 'આધુનિક દુનિયાની ગુલામી' છે.
મોડલે પોતે આ વીડિયો સોશિયલ મીડિયા પ્લેટફોર્મ X પર શેર કર્યો છે. જેમાં તે ક્લોથિંગ બ્રાન્ડ મંટો બ્રાઈડના સ્ટોરમાં સ્ટેચ્યુની જેમ ઉભેલી જોઈ શકાય છે. આ દરમિયાન તે અલગ-અલગ પોઝ પણ આપે છે. દુબઈ ફેસ્ટિવલ મોલના આ વીડિયોમાં દેખાતી મોડલનું નામ એન્જેલિના છે. તે લોકોનું ધ્યાન પોતાની તરફ આકર્ષિત કરવાનો પ્રયાસ કરે છે. ઈન્સ્ટાગ્રામ પર આ વીડિયોને અત્યાર સુધીમાં 26 હજારથી વધુ લોકો જોઈ ચૂક્યા છે. જ્યારે મોટી સંખ્યામાં લોકોએ તેને પસંદ કર્યો છે. વીડિયોમાં લખ્યું છે: 'POV: માર્કેટિંગ ઈન દુબઈ.'
વાયરલ વીડિયોને લઈને લોકો સોશિયલ મીડિયા પર ખૂબ ચર્ચા કરી રહ્યા છે. કેટલાક લોકો કહે છે કે આ ખૂબ જ મજબૂત માર્કેટિંગ વ્યૂહરચના છે, જ્યારે કેટલાક અન્ય વપરાશકર્તાઓ કહે છે કે આ ખૂબ જ નબળી વ્યૂહરચના છે. એક યુઝરે લખ્યું, 'આ અમાનવીય છે. મને ખાતરી છે કે તેના પગ ખરાબ રીતે દુખે છે અને જ્યારે આપણી પાસે ડમી છે, તો આપણને તેની શા માટે જરૂર છે?'
વધુ એક યુઝર કહે છે, 'દરરોજ આપણે આપણી જાતને શરમાવવા માટે નવા રસ્તાઓ શોધી રહ્યા છીએ.' તો એકે લખ્યું 'તેણે આવા કપડાં કેમ પહેર્યા છે?' જો તેને ત્યાં ઊભી જ રાખવામાં આવી તો તેને યોગ્ય પોશાક પહેરાવવો જોએ. નજીકમાં પરિવારો અને બાળકો પણ છે, આ નાઈટક્લબ નથી.
