યુનિવર્સિટીએ બિલાડીને આપી 'ડોક્ટર ઓફ લિટરેચર'ની ડિગ્રી, ખૂબ જ રસપ્રદ છે કારણ
વિશ્વમાં પાલતુ પ્રાણીઓનું મહત્ત્વ સતત વધી રહ્યું છે. ઓસ્કાર એવોર્ડ સમારોહ અને કાન્સ ફિલ્
વિશ્વમાં પાલતુ પ્રાણીઓનું મહત્ત્વ સતત વધી રહ્યું છે. ઓસ્કાર એવોર્ડ સમારોહ અને કાન્સ ફિલ્મ ફેસ્ટિવલમાં રેડ કાર્પેટ પર પોઝ આપતા કૂતરાને જોયા બાદ હવે એક બિલાડીને 'ડોક્ટર ઓફ લિટરેચર'ની ડિગ્રી મળવાના સમાચાર સામે આવ્યા છે. હકીકતમાં, મેક્સ ડાઉ નામની સુંદર બિલાડીને વર્મોન્ટ સ્ટેટ યુનિવર્સિટીના કેસલટન કેમ્પસ તરફથી માનદ ડિગ્રી આપવામાં આવી છે.
કેમ્પસ કોમ્યુનિટીમાં યોગદાન માટે ડોક્ટર ઓફ લિટરેચર
યુનિવર્સિટીના મુખ્ય ગેટ પાસે રહેતી મેક્સ નામની બિલાડી સમગ્ર કેમ્પસમાં આકર્ષણનું કેન્દ્ર બની છે. તેના ફ્રેન્ડલી બિહેવિયરથી, તે પસાર થતા દરેકનું ધ્યાન આકર્ષિત કરે છે. ઘણા વર્ષોથી, મેક્સ કેમ્પસના વિદ્યાર્થીઓ, શિક્ષકો અને સ્ટાફ સાથે યુનિવર્સિટીના હોલ અને લાઇબ્રેરીઓમાં ફરે છે. હવે યુનિવર્સિટીએ "ડોક્ટર ઓફ લિટરેચર" ની માનદ ડિગ્રી સાથે કેમ્પસ કોમ્યુનિટીમાં મેક્સના યોગદાનને માન્યતા આપી છે.
પાલતુ બિલાડી છેલ્લા ઘણા સમયથી યુનિવર્સિટી કેમ્પસમાં ફરે છે
મેક્સ ડાઉના માલિક એશ્લે ડાઉ કહે છે, 'તેની પાલતુ બિલાડી વર્ષો પહેલા વિદ્યાર્થીઓને મળવા માટે કેમ્પસમાં આવવાનું શરૂ કર્યું હતું. તેને વિદ્યાર્થીઓ સાથે રમવું અને કેમ્પસ પ્રોગ્રામ્સમાં ભાગ લેવો ગમે છે. તે જાણે છે કે વિદ્યાર્થીઓને ક્યારે અને ક્યાં મળવાનું છે. કેમ્પસમાં દરેક વ્યક્તિ મેક્સને જાણે છે. તે દરેક સાથે રમવામાં રસ લે છે. સેલ્ફી માટે પણ પોઝ આપે છે. તેને કેમ્પસ ટૂરમાં ભાગ લેવાનું પણ પસંદ છે.
યુનિવર્સિટીના ભૂતપૂર્વ વિદ્યાર્થીઓના ગ્રુપે લખ્યું
યુનિવર્સિટીના ભૂતપૂર્વ વિદ્યાર્થીઓના ગ્રુપે સોશિયલ મીડિયા પર એક પોસ્ટમાં લખ્યું, 'વર્મોન્ટ સ્ટેટ યુનિવર્સિટીના ટ્રસ્ટના બોર્ડે મેક્સ ડાઉને ડોક્ટર ઓફ લિટરેચરની માનદ ડિગ્રીથી સન્માનિત કરી છે. અભિનંદન, ડો. મેક્સ ડાઉ.' યુનિવર્સિટીના અધિકારીઓનું કહેવું છે કે, 'મેક્સ કોન્વોકેશન દરમિયાન સ્ટેજ પર નહીં જઈ શકે, પરંતુ ટૂંક સમયમાં તેને અન્ય સમારોહમાં માનદ પદવી આપવામાં આવશે.'
