VIRAL VIDEO: નાની એવી ટક્કરમાં બબાલ! પોલીસકર્મીએ રિક્ષા ચાલકને જાહેરમાં લાફો ઝીંકી દીધો
છેલ્લું અપડેટ : 27 May 2026
બેંગલુરુથી સામે આવેલો એક વીડિયો સોશિયલ મીડિયા પર ખૂબ વાયરલ થઈ રહ્યો છે, જેને જોઈને લોકો ગુસ્સાથી લાલચોળ થઈ ગયા છે. મળતી માહિતી અનુસાર રસ્તા પર એક રિક્ષા અકસ્માતે પોલીસકર્મીની ઉભેલી બાઇક સાથે સહેજ અથડાઈ ગઈ હતી. આ પછી રિક્ષા ચાલકે તરત જ હાથ જોડીને માફી માંગી લીધી, પરંતુ મામલો અહીં જ ન પત્યો. પોલીસકર્મીએ ગુસ્સામાં આવીને ઓટો ડ્રાઇવરને નીચે ઉતરવા માટે કહ્યું અને પછી બધાની સામે તેને લાફો મારી દીધો હતો.
આ સમગ્ર ઘટના ત્યાં હાજર એક વ્યક્તિએ રેકોર્ડ કરી લીધી હતી, જે હવે સોશિયલ મીડિયા પર ઝડપથી વાયરલ થઈ રહી છે. વીડિયો સામે આવતાની સાથે જ લોકોએ આકરી પ્રતિક્રિયા આપી છે. યુઝર્સ સવાલ ઉઠાવી રહ્યા છે કે શું કોઈ પોલીસકર્મીને આ રીતે કોઈ સામાન્ય માણસ પર હાથ ઉપાડવાનો અધિકાર છે? ઘણા લોકોએ આ ઘટનાને સત્તાનો દુરુપયોગ ગણાવીને કડક કાર્યવાહીની માંગ કરી છે.
મળતી માહિતી મુજબ, આ ઘટના શહેરના સુદામા નગર વિસ્તારની છે. જ્યાં એક રિક્ષા ભૂલથી પોલીસકર્મીની ઉભેલી બાઇક સાથે થોડી અથડાઈ ગઈ હતી. ડ્રાઇવરે તરત જ હાથ જોડીને માફી માંગી લીધી, તેમ છતાં પોલીસકર્મીનો ગુસ્સો શાંત ન થયો અને પોલીસકર્મીએ ઓટો ડ્રાઇવરને નીચે ઉતારીને તેની સાથે દલીલ કરી અને પછી તેને લાફો મારી દીધો. આ બધું ધોળા દિવસે રસ્તા પર બન્યું, જેને ત્યાં હાજર એક વ્યક્તિએ કેમેરામાં કેદ કરી લીધું હતું.
આ ઘટના બાદ સોશિયલ મીડિયા પર મોટી ચર્ચા છેડાઈ ગઈ છે. લોકો કહી રહ્યા છે કે જો કોઈ સામાન્ય માણસે આવું કર્યું હોત, તો તેની સામે તરત જ ગુનો નોંધાઈ ગયો હોત, પરંતુ જ્યારે એ જ કામ કોઈ પોલીસકર્મી કરે છે ત્યારે સવાલો ઊભા થાય છે. લોકોનું માનવું છે કે પોલીસની જવાબદારી લોકોની સુરક્ષા કરવાની છે, નહીં કે તેમને જાહેરમાં અપમાનિત કરવાની. હવે બધાની નજર એ વાત પર ટકેલી છે કે આ મામલે આગળ શું કાર્યવાહી થાય છે.
